24 Teenua o Israel gu duu aga gi nua gadoo be di laion maaloo dangihi! Mee hagalee noho gaa dae loo gi dana daaligi ana manu, gaa gai nia goneiga mo di inu nia dodo o ana manu ala ne daaligi.”
25 Balak ga helekai gi Balaam, “Ma goe hagalee haga halauwa digau Israel, gei goe hudee hagahumalia ina digaula labelaa!”
26 Balaam ga helekai gi Balak, “Au guu lawa di helekai adu gi di goe bolo au ne belee hai nia mee huogodoo a Dimaadua ala ne helekai mai gi di au bolo gi heia.”
