25 Me guy fare dongki fare engel me yan i aw ko yoror nge me’echthal ay Balaam. Me toy Balaam fare dongki rok bayay.
26 Miki yan fare engel rok SOMOL boch nga m’on nge yan i sak’iy ngabang nib wen’in e kanawo’ riy ni dabiyag ni nge yib fare gamanman nge yan u charen.
27 Ma fa’ani guy fare gamanman fare engel, me pag ir nga but’. Me ri damumuw Balaam nge toy e sog rok ko fare gamanman.
28 Me gagiyegnag SOMOL fare dongki nge welthin ni bod ba girdi’, me ga’ar ngak Balaam, “Be mang e ren’en nib kireb ni kug rin’ ngom? Mangfan ni nga dalip yay ni kam toyeg?”
29 Me ga’ar Balaam, “Bochan e ga be darifan nigeg! Fa’an mang e bay ba saydon rog ma kug thang e pogofan rom.”
