21 Ma ubaubanai Balaam i vomairi ana donki i vokaukauei ma Moab babadai maiteni i nae.
22 Wate God amlona i ḡaiḡai kaua da Balaam i nenae, ma ana anela i paritawanei da ana etanai i mae-tomeni. Balaam donki i gerui ma ana taunola ruaḡa maiteni i nenae.
23 Ma maranai donki Bada ana anela i ʼnanai ana sodna au etanai i maimairi ma i tawana-ruiei au ririva. Balaam donki i kwakwapui da ita opu me au etanai.
24 Ma Bada ana anela etanai ḡuriḡuririna i mae-potai, Grape ḡoroḡorovai epaepana ruaḡa ḡaimei i garigaria au poui.
25 Maranai donki Bada ana anela i ʼnanai ma ita deḡa lamna Balaam aena au gari i viairaturatui. Ma Balaam donki i kwapu-melei.
