46 ’Nti̱a̱ná kisasíhi̱n David ko̱ David kama mjehe̱ nga ts'i̱índaha̱ nku a̱nte Nti̱a̱ná, Nti̱a̱ha̱ ntje̱ cháná Jacob.
47 Tu̱nga Salomon kits'ínndaha̱ ni'ya Nti̱a̱ná.
48 B'a̱ tjín kjáíhin nga nk'a ján tíjña Nti̱a̱ná ko̱ nga najmi b'ejñaya ni'ya xi ts'ínnda xu̱ta̱. A̱t'aha̱ b'a̱ ts'ín y'ét'a éhe̱n Nti̱a̱ná nda̱ profeta̱:
49 Ndji̱o̱jmi ján báte̱jña nga batexuma, ko̱ t'anankiu̱ basinjñásan tsu̱ká. ¿Mí ni'yaha xi n'e̱ndanú, títsu Nti̱a̱ná, ko̱ má a̱ntehe ka̱ma ts'inkj'áíya?
50 An ní kits'inndá ngayjee̱ ni xu'bi̱.
51 B'a̱ ta̱ kitsú ya Esteba̱n nga ngjindju: —Tu̱nga jun najmi mjenu̱u ku̱i̱nú'yá'ón. B'a̱ ts'ín nu'yó ko̱ tjíya ani̱ma̱nu̱u xi nkú joyaha xu̱ta̱ xi najmi be Nti̱a̱ná. Nkuhú nga tintsu̱ba̱ kontra̱ha̱ ru̱u Espiri̱tu̱ Santo̱. Jun xi b'a̱ k'un xi nkúhu ntje̱ chánu̱u.
52 ¿Má já profeta̱ha xi najmi kitsjennkí unkie ntje̱ chánu̱u? Kits'ínk'ien já xi kitsúya títjun nga kj'u̱a̱í nda̱ xi na̱xu̱ ts'i̱ín. Ko̱ nk'ie nga j'ai ndo̱, jun kin'ekjas'on ko̱ kin'ek'ion.
53 Jun bi ntítsje kits'ínkjas'ennu̱u kju̱a̱téxumaha̱ Nti̱a̱ná tu̱nga najmi tín'etjusunnú.
54 Nk'ie nga kint'é já tjíxóo̱ ni xi kitsú Esteba̱n, tu̱ ni xí i̱ncha kama kjahán ra̱ ko̱ i̱xí tsatehé ni̱'yu̱n.
