5 Dikiri kìpa tɛ́luku gũn à zɛ̀ kuta pì kpɛ́lɛlɛa. À Haruna kũ Miriamuo sìsi, akũ ò nài ń pla ń pínki.
6 À pìńnɛ: À ma yã ma. Tó ma annabi ke kú á tɛ́, madì bo mà sua wɛ́gupu gũn madì yã onɛ nana gũmmɛ.
7 Ama à de lɛ kũ ma zↄ̀bleri Musaoro. Zĩkɛri náanidemɛ ma ↄn gbɛ̃nↄ tɛ́ ń pínki.
8 Odì yã bo kↄ̃ lɛ́n. Madì yã onɛ mà a ke utɛnɛro. Àdi wɛ́ si ma takalɛ. À kɛ̀ dera ádi ma zↄ̀bleri Musa taari'ena vĩna kɛroo?
9 Akũ Dikiri pↄ fɛ̃̀ńyĩ à a tá o.
10 Kũ tɛ́luku pìi gò kuta pìla, kusu dà Miriamula gↄ̃̀nↄ, à pura kũ̀ lán buu bà. Kũ Haruna lìtɛ à a gwà, à è kusu dàala,
11 akũ à pì Musanɛ: N yã nna Baa! Ǹsun tó ò yↄ̃nkↄyã taarikɛnaa gbɛ̀ lero.
12 Ǹsun tó àgↄ̃ de lán nɛ́ kũ ò ì gɛ̀ ũ a mɛ̀ kpado yàkanaa bàro.
13 Musa ↄ́ↄ dↄ̀ Dikirinɛ à pì: Luda, n yã nna! Ǹ a werekↄ̃a.
14 Akũ Dikiri pìnɛ: Tó a de mɛ́ à lɛ́'i fã̀ a ãnnwa, ani kɛnɛ wé'iyã ũ ari gↄrↄ supplaroo? Ò bo kãao bùra kpɛ gↄrↄ suppla gĩa, gbasa ò a sí.
15 Miriamu kú bùra kpɛ ari gↄrↄ suppla. Isarailanↄ dí da zɛ́nlo sé kũ ò ɛ̀ra ò a sì.
16 Abire gbɛra ò fùtɛ Azero ò gɛ̀ɛ ò bùraa kàtɛ Parani gbárannan.
