9 Yaubada ya laoma Balam lisina be ya fatiꞌoi iyen, Tatau lisim yai te, safaluma?
10 Balam, Yaubada alinana ya bui iyen, Dipo natuna Balaki. In mate Mowabi edi Kin na wasa te ya fatamaliyama:
11 Sulu hesa Idipi yai ya laoma, mate sa tadada heyaheyaya, be nuꞌu sa lau fafamohafu. Aho u laoma be dodoga te lisigu yai u kaumananaedi. Kaumanana ni lisina yai nuwana haba E lei hafihafitidi be E weꞌaidi.
12 In moho Yaubada ya libalau Balam lisina iyen, Tabu ma afa haidam au lau! Tabu Isalaela dodogadi u kaumananaedi paꞌana egu loholoho haꞌa E feledi.
13 Hwalahwalalana, Balam ya obiyo. Babada, Balaki ya duidima wa ya falibadi iyen, Au fuyo emi nuꞌu paꞌana Guyau ya laugagayoꞌegu be ibege yau maꞌemiu ta lau.
