30 Huajca Caleb quichijqui para ma ayecmo tahuejchihuaca nochi nopa israelitame cati itztoyaj iixpa Moisés, huan quiijto: ―¡Ma tiyaca nimantzi huan ma timoaxcatica nopa tali! ¡Temachti tojuanti tihuelise tiquintanise huan timoaxcatise!
31 Pero nopa sequinoc cati yajtoyaj ihuaya quiijtojque: ―¡Amo! Tojuanti amo tihuelise timotehuise inihuaya nopa tacame, pampa inijuanti achi más tetique que tojuanti.
