22 Kiŋaŋ qaqazi ŋicwofuŋ erâ juju, ŋic sindaŋnezi nânâ mâriri sâkohec juju;
23 ŋokac qaisockekicnezi ŋic roro, erâ kiŋaŋ naruzi ŋokac bomboŋ‐ticne ââkehocke.
24 Qowi jahec â jahec kecʒiŋuc juŋgopieŋ jaŋe piticne jâmbâŋ erâ sifu mamana tarahec:
25 Qoʒazaŋ jaŋe tâpiri tâmiric erâ sifu ʒoaŋ dameŋko nânâ wiac‐jeŋic ro qâzuc efâreeŋgopieŋ.
26 Mandaŋ jaŋe tâpiri tâmiric jaha erâ sifu mâreŋ gufurâ fic hae eeŋgopieŋ.
27 Hâpic jaŋe ŋicwofuŋ tâmiric juhuc sifu birihec raeŋgopieŋ.
28 Ʒereac jaŋe mezi roroc‐jopane, erâ sifu ŋicwofuŋte ficko jueŋgopieŋ.
29 Wiac jahec â jahec kecʒiŋuc jaŋe hata rahapie honec‐jopahuc aŋac‐nâpoekac:
30 Moc i laioŋ; e tâpiri‐ticnezi qowi gâcne jaŋere tâpiri sirickeha wiac irec me irec moc mi hâwickeekac.
31 Â moc i noniŋ â qâqâc ŋicne, erâ moc i ŋicwofuŋ jaŋe momorifâc‐jeŋic micne bajareeŋgopieŋ.
32 Go mutuc erâ pepec penaroŋ ehuc wiac hehesicne manasu biric moc emeŋko ine beherâ mocwâc mamana gie bazemec.
33 Susu kiruŋko itiriŋkekupene wokemaŋ fuaekac. Ŋic moc e sâkenao hepene soc ruaekac, â ŋic maŋbâiŋ ejarepene ʒika fuaekac.
