12 Ŋic nâŋâc hata moc honerâ biaŋne muhapene sifu hata izi raku hâmoc haeo mecne fisikac.
13 Ŋic moc e busâqocko juipiehuc sifu mu gâgâwizi busâqoc‐ticne tapa baocmu. Dameŋ gâcnao bubiaŋ tarame busâqoc fuaekac.
14 Ŋic sâqocne moc e eebapa‐ticnere sâcko okacne roocmu, â ŋic biaŋne moc e wâc iŋuc jaha eebapa‐ticnere sâcko furine roocmu.
15 Ŋic mutuc matacnezi dâŋ sasawa irec maname fârine eekac, â ŋic mamanaheczi ine hata‐ticne hone tarahuc raekac.
16 Ŋic mamanaheczi bahac wiac bâfuazacte aimuŋ jaha juekac, â ŋic mutuc matacnezi ine maŋne bâruŋkeme wiac manabâc tâmiric eekac.
