17 Biŋe mumu ŋic hehesicnezi wiac hâhâwicne bâfuaekac, â kiŋaŋŋic biaŋnezi ine wamadâŋ bafisiekac.
18 Ŋic moc e giedâŋ biaŋne qikiŋneocmuzi ŋic hapetac â wawahane eocmu, â moc e mu bâtiŋ dâŋ mana rereŋ eme ine ere manapene fefene eocmu.
19 Wiac irec me irec aŋac‐nâpome fârine bâfuarâ bubiaŋ manaeŋgopeneŋ, ŋic mutucne jaŋe ine wiac hehesicne râpeckeniŋte takic‐jopaekac.
20 Ŋic moc e ŋic maŋɋârâŋhec qâtec‐joparâ juhuc maŋɋârâŋhec jaha eocmu, â ŋic mutuc matacne âgo ejarehuc ine sipirickeocmu.
21 Sâqocne bapa jaŋe okacne rorozi kikeo kikeo ejareekac, â ŋic tiŋne jaŋe ine katucne jujuhâmo roeŋgopieŋ.
22 Ŋic biaŋnere moneŋ mafa izi naru motec ŋosafâc‐ticne jaŋere biŋe eocmu, â sâqocne bapa jaŋere moneŋ mafazi ine ŋic tiŋne jaŋere biŋe eocmu.
