17 Â mâreŋ moc irec ŋicwofuŋzi ŋic sanaŋne juocmu â fekicnefâc‐ticne jaŋe tiwâ bâzi‐jeŋic dameŋkoa nâ bac ehuc opâ sanaŋ nâpie maŋjeŋic mi sifuckeme mâreŋ izi ine biaŋne foocmu.
18 Ŋic moc e ojoŋ juhuc ficbupu‐ticne mi bâpiaŋkeha hoe wahame juku ficticne ʒaŋkeocmu.
19 Nâŋâc tiwâ bâzi nâhuc bubiaŋ manaeŋgopeneŋ â waiŋ opâ nâhuc ʒeri bari eeŋgopeneŋ, erâ ine wiac i moneŋ tâmiric mâc rorâ nânâne mi fokac.
20 Ŋoŋe ŋicwofuŋ‐ŋeŋic hofao me soŋsoŋko mi sâweckenʒepieŋ, erâ ficŋeŋicko ŋehuc ŋic moneŋ mafa sâkohec jaŋe wâc mi sâwec‐jopanʒepieŋ; wipe jaŋe dâŋŋeŋic manarâ ra dâŋrune jazanʒipiŋte iŋuc mi enʒepieŋ.
