1 O warepie Wofuŋ gae hecnenaŋ, huec sanaŋ â bâbâpiaŋ‐nâŋec ʒeri fânâŋ sâko ecnenaŋ.
2 Mai‐ticnao fuahuc daŋge âzâcnenaŋ, mumumbiaŋ gae hecnehuc kiwaecnenaŋ.
3 Wofuŋ e hâcne Anutu sâko, erâ nemu sasawa jaŋere Femicne sâko.
4 Ere meo mâreŋ wâcne wâcne fokac, â tikine tikine i ere jaha.
5 Hâwec i wâc ere, eki hâcne bawec, â mâreŋ kereŋne i menezi ba akic ewec.
6 O warepie e sâsehuc dapecnenaŋ, Wofuŋ bâbâfua‐nâŋec ere maio dieŋzi henaŋ.
