19 “Go micbipicgezi gie repicne baocte manacneekic, â nameŋgezi eeatuc gie baekac.
20 Go qomâge musoriŋkeekic, â hahac ɋafâcge micko âkec ejareekic.
21 Go wiac iŋucne ehuc jutec no dâŋemâc jupo; eme nore mumeŋ, e nore sâc jaha jukac. Miŋecgac ine hanecguhuc tutuc qagarekopac.
22 “Anuture ninikec jueŋgopieŋ ŋoŋe dâŋ ʒi mana‐hâmonʒepieŋ. Noni hesuec‐ŋopape ŋeŋezic basanʒipiŋ ine!
23 Moc e daŋge nunumu‐ticnezi taha banareocmu, iŋucnezi sâsecnuocmu; â moc e hata‐ticne bahacmâc juocmu, e ine Anuture bâbâpiaŋ jâutupemu.”
