13 No bulimakao biucne moc nâekopac? Me noniŋ socne moc nâekopac?
14 Go Anutu daŋge âzâcnetec izi taha bâzige ezejec, ehuc Femicne sâko dâŋ mupaŋkecnemeŋ irec fârine bâfuazemec.
15 Erâ ʒârâ hâriŋ dameŋko wâsicnuzemec, eme bataracgupe muafecnuzemec.”
16 Â ŋic sindaŋne e ine Anutuzi ʒiŋuc âzâcnekac: “Go mozi mana‐gareha sâcmutâc dâŋnane woseekic, me micgezi ʒâʒâfic‐nanere dâŋ bâuaekic?
17 Go bâbâtiŋ qaisockeekomec i! Â dâŋnane râpeckeekic i!
18 Go fiuc roro ŋic moc honerâ âgo baekic, â boe sau ŋic jaŋehec ŋec domac eekic.
19 “Go micbipicgezi gie repicne baocte manacneekic, â nameŋgezi eeatuc gie baekac.
20 Go qomâge musoriŋkeekic, â hahac ɋafâcge micko âkec ejareekic.
21 Go wiac iŋucne ehuc jutec no dâŋemâc jupo; eme nore mumeŋ, e nore sâc jaha jukac. Miŋecgac ine hanecguhuc tutuc qagarekopac.
