15 Anutuzi ine maŋ qâqâtâc‐nanere kiwiric roocmu, ehuc hâmoc haere tâpirionec bataracnuocmu, eki hâcne no rocnuocmu.
16 Irec ŋic moc e mafa sâkohec eocmuo, â gorewac‐ticnere ʒâŋe biŋe feocmuo, go irec mi mezacguzejec.
17 E hâmohuc wiac moc mi amecke raocmu, â ʒâŋe biŋe‐ticnezi mi bâjâpeocmu.
18 Moc e ɋâricne juhuc juju‐ticnere mana aŋac eocmu, â ɋiɋicne jume gâcnezi wâc muafeckeniŋmu,
19 eme sifu kâcɋenefâc‐ticne jaŋere guruo raocmu, erâ qâtec‐jopahuc tatamac basahuc jaha juocmu.
