7 Ʒoaŋ wewefuonec mâŋâŋ mutec fisirâ Tarasisi haeonec woke qanʒaŋ‐jopawec.
8 Biŋene manambeŋ irec sâc jaha ʒâŋezi honembeŋ, Tâpiri Ɋuŋɋasaŋ Wofuŋte haeo, Anutu‐nâŋecte hae sâkoo hâcne; hae i Anutuzi ŋeŋe sanaŋ ŋeocte mucnewec.
9 O Anutu, nâŋe taha ufuŋgere maŋnao aki anonocgere manasumbeŋ.
10 O Anutu, ʒâŋe biŋegezi mâreŋ qaŋeŋnao rawecte mumumbiaŋgezi iŋuc jaha raekac; mefâregao bâbâpiaŋ fusucmawec fokac.
11 Zioŋ tiki e irec bubiaŋ manakac; Juda otâfâcne jaŋe mumutiŋgere erâ ʒeri bari eeŋgopieŋ.
12 Zioŋ orâŋkehuc bârâreckenʒepieŋ, ehuc rucbapa ficne ficne wosenʒepieŋ.
