5 Izi honerâ warecke sâqorembiŋ; erâ bipic tara‐jareme wisembiŋ.
6 Mâreŋ ira ɋarac ɋarac qambiŋ hâcne, ŋokac moczi motec roocte gozi kiekac iŋuc embiŋ.
7 Ʒoaŋ wewefuonec mâŋâŋ mutec fisirâ Tarasisi haeonec woke qanʒaŋ‐jopawec.
8 Biŋene manambeŋ irec sâc jaha ʒâŋezi honembeŋ, Tâpiri Ɋuŋɋasaŋ Wofuŋte haeo, Anutu‐nâŋecte hae sâkoo hâcne; hae i Anutuzi ŋeŋe sanaŋ ŋeocte mucnewec.
9 O Anutu, nâŋe taha ufuŋgere maŋnao aki anonocgere manasumbeŋ.
