3 O Wofuŋ, go qâqâtâc‐nane hâmoc haeonec baefumeŋ, nombâŋte biŋe jaŋeraonec jujuo bârisiecnumeŋ.
4 Mitiŋicfâc‐ticne ŋoŋe Wofuŋ mumuteŋ gae hecneniŋ, â tiri ʒâŋe‐ticnere daŋge âzâcneniŋ.
5 Kimbeŋ‐ticne dameŋ bembeŋne mac fuaekac, aki anonoc‐ticne ine fohuc juha juju dameŋ taraekac. Ŋafeo ki mamakuc iqic‐nâpoekac, hae fureme ine ʒeri bubiaŋ fuaekac.
6 No ine manape fâsâeha kecʒiŋuc mupo: “No biric boroc moc mi epemu.”
7 Wofuŋ, go maŋuruc qanarehuc, tiki sanaŋ tinac râecnumeŋ. Erâ ine ʒâŋe maige bâsoŋke‐naretec, bipic tatara enarewec.
8 Eme Wofuŋ, go kio wâwâsic egarepo, ʒiŋuc muhuc numu‐garepo:
9 “No nombâŋko hupemuo, hâmoc‐nanezi wemo fârine bâfuaocmu? Rufezi sâcne mumbiaŋguocmu? Erâ‐eesanaŋge sâcne muromackeocmu?
10 Wofuŋ, go manarâ aki anonoc enarec! O Wofuŋ, go baficnuc!”
11 Eme go kinane hetikietec gae wowo fuawec, go busâqocte mateŋ hetara‐naremeŋ, ehuc ʒeri bubiaŋte eri hendiŋ henaretec huwec.
12 Ine maŋ qâqâtâc‐nanezi dâŋemâc mi juhuc mumbiaŋguocte. O Wofuŋ, Anutu‐nane, no daŋge gazarâ gaza ehuc juzepac.
