23 “Wofuŋ araŋ bacneeŋgopieŋ ŋoŋe e mumbiaŋkeniŋ, Jakobore ɋâricfâc sasawa, ŋoŋe e sâseniŋ, Israere gurufâc sasawa, ŋoŋe dapecneniŋ.
24 Ŋic qarâ suriŋne e ʒârâ hâriŋ fuacneme, mi mana wahacnewec â ere mi takickewec. Erâ ʒâŋe maine mi bâsoŋkecnehuc, ki owa ecneme manawec.”
25 Tutumaŋ sâkoo eebapagere mumbiaŋgupemu, go araŋ bagareeŋgopieŋ jaŋere maio mumupaŋ‐nanere tofa bazupemu.
26 Qarâ suriŋne jaŋe nâku gapec‐jopazejec; wira basac ecneeŋgopieŋ jaŋe Wofuŋ muteŋkenʒepieŋ; maŋŋeŋic firieha jurahuc junʒepieŋ!
