3 O Wofuŋ, go ŋic e wemo macticnere manasucnehuc, hone maiŋ ecneekic?
4 Ŋic e nokafe iŋucne sawa mac, â juju dameŋ‐ticnezi nâkumuc fotâcneekac irec sâc.
5 Wofuŋ, go sambâŋ bârâriehuc tara wahac; tiki bâuac‐jopatec hosâc qaniŋ.
6 Râsifâcge bâbâric wicke‐jarehuc bâtâtiec‐jopac, tepe motecge qâtâcne‐jaretec siŋsaŋ qaniŋ.
7 Faicnec mege sicnerâ ro baefucnuc, rumi sâkoonec fâre surucnuc, ŋic jabane jaŋere meonec bataracnuc.
8 Jaŋe micbipic‐jeŋiczi gibioc dâŋ mueŋgopieŋ, â mefâre‐jeŋiczi eeatuc gie baeŋgopieŋ.
