8 Sambâŋko fezapoo go ira maicnunʒaŋ; hâmoc haeo hu fozapoo go bâfuacnunʒaŋ wâc.
9 Furic qânikiŋte fakec faio raku, hâwec qaŋeŋnao fisi ŋezapoo,
10 ine ira wâc gore mezia jowa qataŋ enarezac, â mefâregezi bâwâzâŋnuzac jaha.
11 No ʒiŋuc muzapo: “Duŋdapâczi bârârâŋnuoc, â tatamac forakac i ŋafe‐fâreoc,”
12 eme sifu dapâczi gore maio dapâc mi ezac, â ŋafe i honetec ʒoaŋ jaha ezac; dapâczi gorao tatamac hawari eekac hâcne.
13 Goki hâcne râpe hândâŋ‐nane ba akic emeŋ, neŋgoc bumaŋko go gahac fuŋkerâ qâhâcnumeŋ.
