5 Go râpe‐naneo â mai‐naneo somâcnuekic, â mege nore faio râeekic.
6 Wiac irec fuŋne qame hukicne ehuc siricnukac, â fekicne jâmbâŋ ekacte manapemurâ qatataŋnekopac.
7 No Mâroge beherâ wena moc razapo? Me ʒâŋe maige wisecnehuc wena moc soŋkezapo?
8 Sambâŋko fezapoo go ira maicnunʒaŋ; hâmoc haeo hu fozapoo go bâfuacnunʒaŋ wâc.
9 Furic qânikiŋte fakec faio raku, hâwec qaŋeŋnao fisi ŋezapoo,
10 ine ira wâc gore mezia jowa qataŋ enarezac, â mefâregezi bâwâzâŋnuzac jaha.