32 Go maŋnane bâŋɋârâŋkekicte, sâcmutâc dâŋgere hatao âte rapemu.
33 O Wofuŋ, go dâŋsanaŋgere hata qazu‐narec, eme no mi kikizu raku tofanao fisizepac.
34 Mamana tahacnutec sâcmutâc dâŋge bajuhuc, maŋ hâcbuc jaha reŋkezepac.
35 Sâcmutâc dâŋgere hatao jowacnuzemec; no irec aŋac‐nane fokac.
36 Maŋnane fâretec moneŋ huhurere andac râpeckehuc, mumutaniŋ dâŋgao qohotazejec.
37 Ʒâŋe‐nane bâtikietec wiac sisirowenao mi fizepac; ehuc hatagao juju bâfua‐narec.
38 Araŋ bagareeŋgopieŋ jaŋe wiac jarezo mupaŋkemeŋ, wiac irec fârine kiŋaŋŋicge norao bâfuazemec.
39 Mimihec jujure hâwicnukacte manahaŋ nowaruzejec; gore mumutâc dâŋ ine biaŋne.
40 Jâmbomac, no mumutâc dâŋgere maŋhâhâŋ enarekac, irec tiŋnegezi juju bâfua‐narec.
41 O Wofuŋ, aki anonocgere fârine norao fuazejec, â mumupaŋgere sâcko baficnuzemec.
42 Eme mu ruruc enareeŋgopieŋ jaŋe dâŋ sâcne bâtikie‐jarepemu, no gore dâŋko hâcne roweckeekopac.
43 No dameŋ sâc dâŋfâri mupemurâ tâpiri mi nowac rozemec, no mumutiŋ dâŋgere mamanac jukopac hâcne.
44 No sâcmutâc dâŋge ʒuʒuhuc bajupemu, ehuc moc mi behepemu.
45 No mumutâc dâŋgere mu wioc epo, irec rambaŋko sâcne rac warec jupemu.
46 Erâ no mimi gaŋgaŋ tâmiric ŋicwofuŋ maio, mumutaniŋ dâŋgere mu binaŋ epemu.
47 No sâcmutâc dâŋgere aŋacnuekacte, irec dâŋ muhuc mana ʒiziweekopac.
48 Erâ sâcmutâc dâŋgere manape fejâmbâŋkeekac, ehuc dâŋsanaŋgere manatâc qâtâc eekopac.
49 Kiŋaŋŋicge no dâŋ nazameŋ irec fârine bâfuac, go enaretec irec woŋec juekopac hâcne.
