21 Hichun achie tou un Zin gamthipapat akhol chil un Rebob kiti geichu Leboh Hamath kom dung geichu abonchan gakholsoh keiyun.
22 Sahlam ahoh paovin gamthipkiti mun chu ajot paovin chuin Hebron alhung tauve. Hikom munchu Amal chilhah te ahin Sheshalchule Tamal ho chun ana um uve. Hebron khopi chu Egypt khopi Zoan kiti sanga kum-sagi masangakisem masa ahi.
23 Ama hon Eshkol phaichamahin phah uchun lengpi thei bohkhat ahin sat lhauvin amani kikahah ahin polut un chuleh kolbu theijong Olive phung jong jaonanahinpo lhonne.
24 Hiche lai mun chu Eschortphaicham aki tin ahi. Ajeh chu Israel mihon hikomma chu lengpi thei avat u ahi.
25 Ni somli jen gam le go kholchihna anei jou phat un Pasal ho chuahung kinung le gam tauve.
26 Tun amaho ahung ki nung letaovin Mose le Aaron kom ahinchule Israel mipi jouse jong chu Paran gamthip ma chun aum un ahi.
27 Hichun amahon Mose jah hitihin asei un, keiho nei nganse nauvakaga che un gam leiset vedin, hichegam hi khoiju le bongnoi lonnachule hichengse hi gamsunga gasohho ahi.
28 Ahinlah hilai gamma umho chuthil bolthei na hangsan tah ahiuvin, khopi ho jong chu hoitah in avengtup un amel’u jong alen theiyinhikomma chun Anak mite a khosauvin ahi.
29 Amalek mite vang noilamalouvin, hit mite ahin Amor mite hojouse thinglhang lam aloh soh un, chuleh Cannan mite vang in Jordanphai vadung lang tui khanglen komlang aloh soh hellun ahi.
