20 Chule Gad chilhahte a kitol un Elisab kitepa hi Deuel chapa ahi.
21 Hiche banjom ma hung kitolhohi ahi leh Kohathite kite ho Levite chilhahte ahin, ama honahin jom ding ho chu manchahatheng ho jouse chu ahi. Mipi hichengahmun alhun masang uva chuhiche Houbuh chu tun doh’a umding ahi.
22 Hiche banjomma chun Ephraim chilhahte hung kitol diu aponlop uto thoa hungpeh jing diu ahi. Ama ho Lamkai pa chu ahile Elishamakite Aminnal chapa ahi.
23 Amaho chu Manasseh chilhahten ahin nung jui un ahi, Pedahzurchapa Gamalel kitipan a lamkai je,
24 Chu leh Benjamin phung son lepah ho chu Abidan chapa Gideon inahin lamkaiyin ahi.
25 Dan chilhah son le pah ho chuaponlap u ahin jui un ahung nukhah pen un, ama ho toh ding chuhiche aphung phunga ngahmun hochu avet tup uva, um jing ding ahiuvin, amaho Lamkai pa chu ahi leh Ammishadai chapa Ahiezel ahiye.
26 Amaho Banjomma hung kitol hochu ahileh Asher chilhah son le pahho ahiuve Okran chapa Piegel chunahin lamkai u ahiye.
27 Abanna hung kitol ho chu Naphtali chilhah son le pah hoahiuvin, amaho chu Enan chapa Ahira in ahin lamkaiyu ahi.
28 Hitia hi Israel chilhah te chu amaama phunga hung kitol ahi uve.
29 Nikhat chu Mose’n ajinu sopipa Habab ama chu Jethro chapamidianpa komma chun hitin aseitan, eiho hi Pathen in ei tep pehnaochu lam jot jing eihi tauve, ajehchu Pakai Pathen in asei tan kaumpi ding na hiuve. Nangma keimaholah hung tan, kei hon nangmangai lut tah a ka bol ding na hiuve, ajeh chu Pathen in na toh ki dangtah Israelte ei peh diu ahi, ati.
30 Habab in adon but in keima kache theilou ding, keima kinungle ding kahi tai, ka sopi ho jeh leka insung mitah henga kile ding kahiye.
31 Mose’n alungsou jah jeng tan, lungset tah in nei dalhah hih beh un ati tan ahi. Nangma gamthip lah lampi jouse na leh soh kei jeng hoilang’a kinga ding na him, hiti ahi jeh chun hiche lampi hi nei hil in ati.
32 Nangman hoitah a na pha na toh jing le Pathen in phat thei ei boh chan von i nei khom diu ahi.
33 Pakaiyin molsang chung jeng ho ajong nithum jen lam ajot piuvin Pathen thing khong Houbuh jong chu aki tol jing in amaho masang lam a ache jing in ahi.
34 Ama ho chu ni seh in lam ajot jing un Pathen in meibol lom in akhu khum jing un apuile jing uve.
35 Pathen Houbuh chu ahung ki hon ji teng Mose’n aw sangtah in a sam in, O Pakai na melma te ki the cheh uhen, nangma na taitom te na masang a kithe cheh uhen, ati.
36 Chule hitia chu meibol chu ahung kichol teng Mose’n hitin asei in Pakai, Pathen hung ki nung le kit tan nami Israelte ding in, ati.
