12 Dhali uni si’da/ ’koki gam aha/ e gu’b gi mondheleladhelel mmosu’k ki gwo ki wathin ṯal ’deŋ kamu/ walla mmoc̱itha waambuhany ’kwani is ki mii mo si’da/ e gu’b gi montul is buni mo gi mo walla e bampa/ si’da/ mo.
13 Dhali uni si’da/ moli gwo kar ki ji ma du’d e /e gom to gun yera uni aha/ is ki gway mo.
14 Hili yan miga/ ṯor /e mo ki ’ko’di Bway jin yuḵkina uni ki jiny c̱em buni mo tani wakan aha/ miina to goma Arumgimis gi ibabam bam mmogama ris gwo ’baar mo is kun waki gwoŋḵan jin c̱inu mo dhali kun ’kwarkunu e imanc̱i gwo ma Arumgimis kadhamo/ mo
