27 ki uni mini ’taki ŋap̱a Arumgimis mo waḵki/ uni si’da/ mini ’taki topu i a’di mo dhali gam a’di mo. Dhali a’di bala yisa isi’dki’d ’pena ris ana ’baar ka ’deṯe/ ’deṯe/ yisa.
28 Haali/ E a’di mo tani ana ’kona ki e mo dhali mmothoṯẖ mo dhali mmota gi moŋ’kom bana si’da/ me’d jin okina kun tiya ibwam iman’cem gway bum si’da/ mo ki: Haali/ ana si’da/ tana bwambirman piti mo be.
29 Mmotana ana bwambirman ma Arumgimis kantan mo tani ana mina mii ’koki ṯosh ki a’di jin ta ji ma Arumgimis jin piyi’d ’peni a’di wana e ki ’dolkon gana/ mo walla ’dolkon kush mo walla wosh gun c̱inuwa waro/ ki gwocon mo dhali ki gwalal gi wathi/ mo.
30 A’di hilkin ma Arumgimis ki jim pe yil mo ki ji mol mo mo. Hili shwane/ a’di ḵanki ’kwaniny’cesh gwo mo ki uni ’baar mo e mo ’baar mo tani mini ’taki rica du is mo
31 haali/ a’di karki’da cim jin mina a’di mii miiwaḵ gom ’kwaniny’cesh mo e mo ma ḵar/e gi wathi/ jin ’kawurkina a’di nṯwa/a/ mo. Gom a’di mo tani a’di c̱iki’da ris ’kwani ’baar mo mmomish mo ki isa duŋ gana/ mo mmo’de’kkina a’di a’di ’peni mowu mo be.
32 Dhali ki uni ciḵki gwo gom mompinu ’peni mowum piti mo tani kun tiya mii a’di ka maḵ mo. Hili kun tiya oki gwo mo ki: Am mina ciḵ ’peni /e gom gwo yan doḵ/e naskina/ mo.
33 A’di gi wakan be tani a’di yakin ma Buulus ka pije/ mo ’peni bwam uni mo be.
