30 dhali a’di suski uni ka pije/ mo dhali o gwo mo ki: Kana, aha/ mina miiya ta mmowoṯẖ is pem mo?
31 Dhali uni oki a’di gwo mo ki: Gami Tap̱a Yesus is mo ma dhali /e minu woṯẖ mo dhali ki kuŋ gu’b pini ilu/ mo.
32 Dhali uni oki gwon Tap̱a e a’di ki uni ’baar mo kun ’kon e gu’b piti ilu/ mo.
33 Dhali a’di bu’thki uni ki mo yansan jin ta mon’thiny mo dhali up̱ki uni mondorum buni mo dhali ise/ a’di miikunu ki yi’de/ mo, a’di dhala ris unim piti ’baar mo be.
34 Dhali a’di suski uni ki mis e gu’b piti mo dhali dhuki tonṯe/ ibwambori uni mo dhali uni ’borkina bwa kagahara mo inyaḵki kuŋ gu’b piti mo mmogamkina uniya Arumgimis gwo is mo be.
