14 Sama ako sa tawo nga dili makadungog ug dili makatubag.
15 Magpaabot gayod ako sa imong tubag, Yahweh; Ginoo nga akong Dios.
16 Gisulti ko kini aron ang akong mga kaaway dili magbiaybiay kanako. Kung ang akong mga tiil madakin-as, maghimo silag makalilisang nga mga butang kanako.
17 Kay hapit ako madagma, ug anaa ako sa kanunayng kasakit.
18 Isugid ko ang akong kalapasan; may pagtagad ako sa akong sala.
19 Apan daghan kaayo ang akong mga kaaway; daghan kaayo kadtong sayop nga nagdumot kanako.
20 Ilang gibalosan og daotan ang maayo nga akong gibuhat kanila; giduot nila kanako ang mga pasangil bisan og naningkamot ako sa pagbuhat og maayo.
