Mga Awit 34:14-22 in Tagalog

¹⁴ Lumayo ka sa kasamaan, at gumawa ka ng mabuti; hanapin mo ang kapayapaan at habulin mo.

¹⁵ Ang mga mata ng Panginoon ay nakatitig sa mga matuwid, at ang kaniyang mga pakinig ay nakabukas sa kanilang daing.

¹⁶ Ang mukha ng Panginoon ay laban sa kanila na nagsisigawa ng kasamaan, upang ihiwalay ang alaala sa kanila sa lupa.

¹⁷ Ang matuwid ay nagsidaing, at dininig ng Panginoon, at iniligtas sila sa lahat nilang mga kabagabagan.

¹⁸ Ang Panginoon ay malapit sa kanila na may bagbag na puso, at inililigtas ang mga may pagsisising diwa.

¹⁹ Marami ang kadalamhatian ng matuwid; nguni't inililigtas ng Panginoon sa lahat.

²⁰ Kaniyang iniingatan ang lahat niyang mga buto: wala isa man sa mga yaon na nababali.

²¹ Papatayin ng kasamaan ang masama: at silang nangagagalit sa matuwid na tao ay kikilanling may sala.

²² Tinutubos ng Panginoon ang kaluluwa ng kaniyang mga lingkod: at wala sa nagsisipagkanlong sa kaniya ay kikilanling may sala.

¹⁴ Tumalikod kayo sa kasamaan at gumawa ng mabuti; hangarin ninyo ang kapayapaan at ito ay palaganapin.

¹⁵ Ang mga mata ni Yahweh ay nasa mga matutuwid, at sa kanilang mga iyak nakatuon ang kaniyang pandinig.

¹⁶ Si Yahweh ay laban sa mga gumagawa ng masama, para burahin ang kanilang alala sa mundo.

¹⁷ Ang mga matutuwid ay umiiyak, at naririnig ito ni Yahweh at mula sa lahat ng kanilang mga kaguluhan, nililigtas sila.

¹⁸ Si Yahweh ay malapit sa mga wasak ang puso, at inililigtas niya ang mga nadurog ang espiritu.

¹⁹ Maraming mga problema ang mga matutuwid, pero sa lahat ng iyon si Yahweh ang nagbibigay ng tagumpay.

²⁰ Iniingatan niya ang lahat ng kaniyang mga buto; ni isa sa kanila ay walang masisira.

²¹ Papatayin ng masama ang makasalanan; ang mga galit sa matutuwid ay mahahatulan.

²² Ang mga kaluluwa ng kaniyang mga lingkod ay tinutubos ni Yahweh; walang mahahatulan sa mga kumukubli sa kaniya.