2 Ei mwohnlimpoako samwalahr nan eh mwetuwelo, wasa me tuhke palsam kan kin keirda ie. E kamwekamwenge nah pelin sihpw kan nan mwetuwelo oh dandar kiepw kan.
3 Ei mwohnlimpoako iei ahi, oh ngehi me ah; e kin kamwenge nah sihpw kan nanpwungen kiepw akan.
4 Ei mwohnlimpoak, ke inenen masamwahu rasehng Tirsa, kaselel rasehng kahnimw en Serusalem. oh mehn kapeudiahl lingan rasehng kahnimw laud pwukat.
5 Sohpeiweisang ie, pwe pwoaren mesomw kan kaloweiedier. Pitenmoangomw kan rasehng pelin kuht me lusulus kohdi pohn kisin dohl akan en Kilead.
6 Ngihmw kan pwetepwet rasehng pelin sihpw ehu me ahpwtehn wideud. Sohte apwoat me kohsang; koaros me pahrek.
