1 En Solomon melkahka me keieu kaselel.
2 Komw kin metik wasa koaros ni paliwereiet; omwi limpoak me inenen iou sang wain.
3 Mwaromwi kin katamandohng ie pwohmwahu en kalepemwi; sohte lih emen kak katokihedi eh limpoakohng komwi.
4 Komwi ketikiniehda, kita eri tangdoaui; komwi en wiahla ei nanmwarki oh ketikiniehla nan sapwellimomwi pere. Kita pahn pereperenpene, sak wain, oh kalakalapwungki ata limpoak. Iei me lih koaros kin limpoak kihong komwi!
5 Lihen Serusalem kan, I me toantoal ahpw masamwahu, toantoal rasehng impwal kan nan sapwtehn en Kedar, ahpw kaselel rasehng kahdeng kaselel kan nan tehnpesen Solomon.
