MELKAHKA KAN 83:1-9 in Pohnpeian

¹MAIN Kot, kom der jo majan don, o der japaimokid, Main Kot, kom der kotin nenenla!

²Pwe kom kotin mani, japwilim omui imwintiti kan kin linaranar, o me kailon kin komui, me aklapalap.

³Irail kin widin ni ar kapakapun ki japwilim omui kan, o re kin raparapaki duen ar pan kawela japwilim omui me nekinekilar akan.

⁴Re kin inda: Na kitail, kitail kokojan irail, pwe ren jolar wei eu, o jolar me pan inda duen wein Ijrael!

⁵Pwe irail wiaki eu o re inauki pena, ren palian komui,

⁶Im pwal en Edom, o Ijmael, Moap, o Akar,

⁷O Kepal, o Amon, o Amalek, men Pilijta ianaki men Tiruj.

⁸Ajor pil waroki on ir; re kin jauaja kadaudok en Lot. Jela.

⁹Kom kotin wiai on ir dueta on men Midian, o Jijera, o Iapin ni pilap Kijon.

¹MAING Kot, kom der so masan dong, o der sapaimokid, Maing Kot, kom der kotin nenenla!

²Pwe kom kotin mangi, sapwilim omui imwintiti kan kin lingarangar, o me kailong kin komui, me aklapalap.

³Irail kin widing ni ar kapakapung ki sapwilim omui kan, o re kin raparapaki duen ar pan kawela sapwilim omui me nekinekilar akan.

⁴Re kin inda: Na kitail, kitail kokosang irail, pwe ren solar wei eu, o solar me pan inda duen wein Israel!

⁵Pwe irail wiaki eu o re inauki pena, ren palian komui,

⁶Im pwal en Edom, o Ismael, Moap, o Akar,

⁷O Kepal, o Amon, o Amalek, men Pilista iangaki men Tirus.

⁸Asor pil waroki ong ir; re kin sauasa kadaudok en Lot. Sela.

⁹Kom kotin wiai ong ir dueta ong men Midian, o Sisera, o Iapin ni pilap Kison.

¹Maing Koht, komw dehr ketin nennenewei; komw dehr ketin sopeimwekid de kupwur meleilei!

²Komw ketin mahsanih! Sapwellimomwi imwintihti kan moromoradahr, oh irail kan me kin kailongkin komwi ar uhwong komwi.

³Re koasoakoasone widing rir suwed kei ong sapwellimomwi aramas akan; re koasoakoasone kaupen irail kan me komw kin ketin sinsile.

⁴Re kin nda, “Nna, kumwail kohdo, kitail en kamwomwala arail wehi, pwe Israel en manukunukla kohkohlahte.”

⁵Re pwungkipenehr ar koasoandi kan oh ehukipenehr ar pahn uhwong komwi:

⁶iei irail mehn Edom oh mehn Ismael kan; mehn Mohap oh mehn Akar kan;

⁷mehn Kepal, mehn Ammon oh mehn Amalek, mehn Pilisdia oh Dair.

⁸Asiria pil iangiraillahr wehi kehlail me kin sewese mehn Ammon oh mehn Mohap, irail kadaudok en Lohd.

⁹Komw ketin wiahiong irail soahngohte me komw wiahiong men Midian ko, oh ong Sisera oh Sapin ni Pillap Kison.