Text copied!
BREAK EVERY YOKE
Bibles in Pohnpeian

MELKAHKA KAN 78:9-37 in Pohnpeian

Help us?

Psalms 78:9-37 in Kadede Kap Pjam Akan

9 Dueta kainok Epraim, me wa tatan mauin, ap purela jan nan pei.
10 Irail jota dadaurata inau en Kot, o re jota men weweideki duen a kujoned akan;
11 O re monokelar a wiawia kan o a manaman akan, me a kotin kajanjale on irail er.
12 A kotin wiadar manaman akai janjal mon jam arail akan nan Äkipten, nan jap Joan.
13 A kotin palan pajan madau o kotin mueid on ir, en kotela, o wiadar pil dueta kel takai eu.
14 A kotin kalua kin irail tapok ni ran o, a ni pon umpul en kijiniai.
15 A kotin palan pajan paip nan jap tan o kanim pile kin irail pil toto.
16 O a kotin kapkapwile wei pilap kai jan nan paip, pwe ren pwile wei dueta pilap laud akan.
17 Ari jo, re dadaurata ni arail dipi on i, o re kaonioni me Lapalap o nan jap tan.
18 O re kajonejon Kot nan monion arail, ni ar inon ion kan arail mana.
19 O re palian Kot ni ar inda: Melel Kot pan kak wiada tepel eu nan jap tan?
20 Kilan, a poki paip o, pwe pil en pwarado o pilap akan pwilepwile wei, a iaduen, a pan kak kida prot o uduk on na aramaj akan?
21 Ieowa lao manier mepukat, ap kotin onionadar, o kijiniai wiauier ren Iakop, o onion lel on Ijrael,
22 Pweki ar jo kamelele Kot, o jota kaporoporeki a jauaj.
23 A ap kotin majani on tapok en poa kan, o ritinida wanim en lan akan.
24 O kotin kamoredi on ir mana, pwe ren mana, o a kotiki on ir prot en lan.
25 Irail kanalar prot en tounlan kan; a kotin kadar on ir kijin mana toto.
26 A kotin kapwaredar pan lan an en maj en lan, o ni a manaman a kotin kamokidada an en pali air.
27 O a kotin kamoredi on ir uduk dueta pwel par, o manpir dueta pik en oror.
28 O a kotin kapup irail di waja karoj, me irail kaujon ia.
29 Rap manamana o medilar kaualap, o a kotin mueid on ir ar inon.
30 A ni ar kapwaiadar ar inon, o ni ar manamana,
31 Onion en Kot ap lel on irail er, o kamelar ol lapalap re ’rail, o kotin wokiedi manakap en Ijrael kajampwal akan.
32 A re kalaudelar arail dip, o re jota kamelele a manaman akan.
33 I me a kotin mueideki ren mela, re jota paida, o ar apwal akan me toto arain ar maur.
34 Ni a kotin kame irail la, rap idok i, o wukila, o rapaki Kot.
35 O re tamandar, me Kot kele parail o Kot lapalap ar jaundor.
36 O re lik janjal mau on i ni au arail o re likam on i ni lo ar.
37 A monion arail jota teneten on i, o re jota dadaurata melel a inau.
Psalms 78 in Kadede Kap Pjam Akan

Psalm 78:9-37 in Kadede Kap Psam Akan

9 Dueta kainok Epraim, me wa tatan mauin, ap purela sang nan pei.
10 Irail sota dadaurata inau en Kot, o re sota men weweideki duen a kusoned akan;
11 O re monokelar a wiawia kan o a manaman akan, me a kotin kasansale ong irail er.
12 A kotin wiadar manaman akai sansal mon sam arail akan nan Äkipten, nan sap Soan.
13 A kotin palang pasang madau o kotin mueid ong ir, en kotela, o wiadar pil dueta kel takai eu.
14 A kotin kalua kin irail tapok ni ran o, a ni pong umpul en kisiniai.
15 A kotin palang pasang paip nan sap tan o kanim pile kin irail pil toto.
16 O a kotin kapkapwile wei pilap kai sang nan paip, pwe ren pwile wei dueta pilap laud akan.
17 Ari so, re dadaurata ni arail dipi ong i, o re kaongiongi me Lapalap o nan sap tan.
18 O re kasongesong Kot nan mongiong arail, ni ar inong iong kan arail manga.
19 O re palian Kot ni ar inda: Melel Kot pan kak wiada tepel eu nan sap tan?
20 Kilang, a poki paip o, pwe pil en pwarado o pilap akan pwilepwile wei, a iaduen, a pan kak kida prot o uduk ong na aramas akan?
21 Ieowa lao mangier mepukat, ap kotin ongiongadar, o kisiniai wiauier ren Iakop, o ongiong lel ong Israel,
22 Pweki ar so kamelele Kot, o sota kaporoporeki a sauas.
23 A ap kotin masani ong tapok en poa kan, o ritingida wanim en lang akan.
24 O kotin kamoredi ong ir manga, pwe ren manga, o a kotiki ong ir prot en lang.
25 Irail kangalar prot en tounlang kan; a kotin kadar ong ir kisin manga toto.
26 A kotin kapwaredar pan lang ang en mas en lang, o ni a manaman a kotin kamokidada ang en pali air.
27 O a kotin kamoredi ong ir uduk dueta pwel par, o manpir dueta pik en oror.
28 O a kotin kapup irail di wasa karos, me irail kauson ia.
29 Rap mangamanga o medilar kaualap, o a kotin mueid ong ir ar inong.
30 A ni ar kapwaiadar ar inong, o ni ar mangamanga,
31 Ongiong en Kot ap lel ong irail er, o kamelar ol lapalap re ’rail, o kotin wokiedi manakap en Israel kasampwal akan.
32 A re kalaudelar arail dip, o re sota kamelele a manaman akan.
33 I me a kotin mueideki ren mela, re sota paida, o ar apwal akan me toto arain ar maur.
34 Ni a kotin kame irail la, rap idok i, o wukila, o rapaki Kot.
35 O re tamandar, me Kot kele parail o Kot lapalap ar saundor.
36 O re lik sansal mau ong i ni au arail o re likam ong i ni lo ar.
37 A mongiong arail sota tengeteng ong i, o re sota dadaurata melel a inau.
Psalm 78 in Kadede Kap Psam Akan

MELKAHKA KAN 78:9-37 in Pohnpeian Bible

9 Mehn Epraim kan me weuwa nair kesik ketieu oh arep kan, re tangdoaui ni rahn en mahweno.
10 Re sohte kapwaiada ar inou ong Koht; re sohte men kapwaiada sapwellime kosonned akan.
11 Re manokehla dahme e ketin wiadahro, manaman ko me e ketin wiahda mwohn masarail ko.
12 Nindokon ar pahpa kahlap ako ar uduhdiahl, Koht ketin wiahda manaman kei nan wasa patapat en Soan, nan wehin Isip.
13 E ketin pwalangpeseng sehdo ni pali riau oh kahluwairail nan ngalangal; oh ketin kawuhdi pali riau en sehdo rasehng dihd riau.
14 Ni rahn e ketin kahluwa irail pahn mwetehn depwek ehu oh pwohng ehu pwon sang ni marain en kisiniei.
15 E ketin pwalangpeseng paip nan sapwtehn oh ketikihong irail pihl sang loale.
16 E kupwurehda pihl en kusieisang nan paipo oh ketin kakusei pihl rasehng pillap pwoat.
17 Ahpw re usehlahte ar wiewia dihpiong Koht, oh kahngohdiong Wasa Lapalahpie nan sapwtehno.
18 Re kasongosonge Koht ni ar nsenki pekipeki kisin tungoal me re anahne.
19 Re aklapalap patohwan ong Koht, ketihtihki, “Pala Koht kak kaunopada atail tungoal nan sapwtehnet?
20 Mehlel me e ketin poakih paipo, pihl ahpw kusieisang loale; ahpw ia duwe, e kak ketin katungoalehkin kitail pilawa oh ketikihong sapwellime kan uduk pwe re en tungoale?”
21 Koht eri ketin engiengda ni eh ketin karongehda; e ahpw ketin kauwohng kisiniei sapwellime aramas ako, oh sapwellime engieng ahpw laudla,
22 pwehki ar sohte likih oh sohte kamehlele me e pahn ketin komourirailla.
23 E ahpw ketin mahsendalahng pahnlahng oh ketin ruwese pwe wenihmwen lahng kan en ritida;
24 e ahpw ketin kamwerehdi wahn pilawa sang nanleng, ni e ketin kadaridi mana pwe re en tungoale.
25 Irail eri tungoale kisin tungoal en tohnleng kan, oh Koht ketikihong irail uwen me re anahne.
26 E pil ketin mweidala pwe angin palimese en ipirseli wasa, oh sapwellime manaman en kamwekidada angin palieir;
27 e ahpw ketin kadaridiong sapwellime aramas akan pelin menpihr ehu, me tohtohsang piken ni oahroar kan;
28 re ahpw pwupwudiong nan werengen impwal ko oh kapilpene wasa re koukousoan ie.
29 Aramas ako eri tungoale oh medkihla; Koht ketikihong irail dahme irail anahne.
30 Ahpw ni ar saikinte itarki dahme re anahne oh nindokon ar tungutungoal,
31 Koht ketin engiengda pahrail oh kemehla nair ohl kehlail ko, me pwulopwul kaselel ko en Israel.
32 Mehnda ma e ketin wiahda mepwukat, ahpw aramas akan uselahte wiewia dihp; mehnda ma re uduhdiahl sapwellime manaman akan, ahpw re sohte mwahn kin likih.
33 Ih eri ketin kasohrehla ar mour rasehng esingek ehu oh mwadang lupukala ar mour kan ni paisuwed.
34 Ni eh ketin kemehla ekei irail, luhwe ko kin sohpeiong; re koluhla oh ngidingidki ar kapakapohng.
35 Re kin tamanda me Koht iei soundoareparail, duwen Wasa Lapalap eh kin ketin sewese irail.
36 Ahpw ar koasoi kan koaros kin likamw; sohte mehkot me re kin nda kin mehlel.
37 Re sohte kin loalopwoatohng; re sohte kin loalopwoatohng ar inou ong ih.
MELKAHKA KAN 78 in Pohnpeian Bible

Melkahka Kan 78:9-37 in Pohnpeian Bible with Apocrypha

9 Mehn Epraim kan me weuwa nair kesik ketieu oh arep kan, re tangdoaui ni rahn en mahweno.
10 Re sohte kapwaiada ar inou ong Koht; re sohte men kapwaiada sapwellime kosonned akan.
11 Re manokehla dahme e ketin wiadahro, manaman ko me e ketin wiahda mwohn masarail ko.
12 Nindokon ar pahpa kahlap ako ar uduhdiahl, Koht ketin wiahda manaman kei nan wasa patapat en Soan, nan wehin Isip.
13 E ketin pwalangpeseng sehdo ni pali riau oh kahluwairail nan ngalangal; oh ketin kawuhdi pali riau en sehdo rasehng dihd riau.
14 Ni rahn e ketin kahluwa irail pahn mwetehn depwek ehu oh pwohng ehu pwon sang ni marain en kisiniei.
15 E ketin pwalangpeseng paip nan sapwtehn oh ketikihong irail pihl sang loale.
16 E kupwurehda pihl en kusieisang nan paipo oh ketin kakusei pihl rasehng pillap pwoat.
17 Ahpw re usehlahte ar wiewia dihpiong Koht, oh kahngohdiong Wasa Lapalahpie nan sapwtehno.
18 Re kasongosonge Koht ni ar nsenki pekipeki kisin tungoal me re anahne.
19 Re aklapalap patohwan ong Koht, ketihtihki, “Pala Koht kak kaunopada atail tungoal nan sapwtehnet?
20 Mehlel me e ketin poakih paipo, pihl ahpw kusieisang loale; ahpw ia duwe, e kak ketin katungoalehkin kitail pilawa oh ketikihong sapwellime kan uduk pwe re en tungoale?”
21 Koht eri ketin engiengda ni eh ketin karongehda; e ahpw ketin kauwohng kisiniei sapwellime aramas ako, oh sapwellime engieng ahpw laudla,
22 pwehki ar sohte likih oh sohte kamehlele me e pahn ketin komourirailla.
23 E ahpw ketin mahsendalahng pahnlahng oh ketin ruwese pwe wenihmwen lahng kan en ritida;
24 e ahpw ketin kamwerehdi wahn pilawa sang nanleng, ni e ketin kadaridi mana pwe re en tungoale.
25 Irail eri tungoale kisin tungoal en tohnleng kan, oh Koht ketikihong irail uwen me re anahne.
26 E pil ketin mweidala pwe angin palimese en ipirseli wasa, oh sapwellime manaman en kamwekidada angin palieir;
27 e ahpw ketin kadaridiong sapwellime aramas akan pelin menpihr ehu, me tohtohsang piken ni oahroar kan;
28 re ahpw pwupwudiong nan werengen impwal ko oh kapilpene wasa re koukousoan ie.
29 Aramas ako eri tungoale oh medkihla; Koht ketikihong irail dahme irail anahne.
30 Ahpw ni ar saikinte itarki dahme re anahne oh nindokon ar tungutungoal,
31 Koht ketin engiengda pahrail oh kemehla nair ohl kehlail ko, me pwulopwul kaselel ko en Israel.
32 Mehnda ma e ketin wiahda mepwukat, ahpw aramas akan uselahte wiewia dihp; mehnda ma re uduhdiahl sapwellime manaman akan, ahpw re sohte mwahn kin likih.
33 Ih eri ketin kasohrehla ar mour rasehng esingek ehu oh mwadang lupukala ar mour kan ni paisuwed.
34 Ni eh ketin kemehla ekei irail, luhwe ko kin sohpeiong; re koluhla oh ngidingidki ar kapakapohng.
35 Re kin tamanda me Koht iei soundoareparail, duwen Wasa Lapalap eh kin ketin sewese irail.
36 Ahpw ar koasoi kan koaros kin likamw; sohte mehkot me re kin nda kin mehlel.
37 Re sohte kin loalopwoatohng; re sohte kin loalopwoatohng ar inou ong ih.
Melkahka Kan 78 in Pohnpeian Bible with Apocrypha

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!