MELKAHKA KAN 77:2-13 in Pohnpeian

²Ni ai anjau apwal, i kin rapaki Ieowa; ni pon pa i kin u wei o jota kin dukedi, pwe nen i jota kak injenemaula.

³Ni ai tamanda Kot, i kin ajenokida, ni ai madamadaua, nen i kin luetala. Jela.

⁴Kom kin kotin kolekol por en maj ai, pwe ira en papat; nai inen en luet, jolar itar on lokaia.

⁵I kin lamelame duen ran en maj akan, duen par akan me jamalar.

⁶Ni pon i kin lamelame duen ai kajan arp, o monion i kin madamadaua; nen i kin raparapaki.

⁷Kalelapok, Ieowa pan kotin onion kokolata, o a jota pan kotin maki on?

⁸A kalanan rojelar melel, o a inau imwijokalar kokolata?

⁹Kot kotin malielar a mak on kit, o a karirikilar onion a kalanan? Jela.

¹⁰Ari jo, i indadar: Mepukat me mau on ia; pali maun en lim en me Lapalap pan kak dorela meakaroj.

¹¹I me i kin taman kida wiawian Ieowa; melel i kin tamanda omui manaman akan jan maj o,

¹²O madamadaua duen omui wiawia kan karoj, o kilekilan duen omui dodok.

¹³Main Kot, al omui me pun. Ia waja amen Kot manaman mia dueta Kaun o?

²Ni ai ansau apwal, i kin rapaki Ieowa; ni pong pa i kin u wei o sota kin dukedi, pwe ngen i sota kak insenemaula.

³Ni ai tamanda Kot, i kin asengokida, ni ai madamadaua, ngen i kin luetala. Sela.

⁴Kom kin kotin kolekol por en mas ai, pwe ira en papat; ngai inen en luet, solar itar ong lokaia.

⁵I kin lamelame duen ran en mas akan, duen par akan me samalar.

⁶Ni pong i kin lamelame duen ai kasang arp, o mongiong i kin madamadaua; ngen i kin raparapaki.

⁷Kalelapok, Ieowa pan kotin ongiong kokolata, o a sota pan kotin maki ong?

⁸A kalangan roselar melel, o a inau imwisokalar kokolata?

⁹Kot kotin malielar a mak ong kit, o a karirikilar ongiong a kalangan? Sela.

¹⁰Ari so, i indadar: Mepukat me mau ong ia; pali maun en lim en me Lapalap pan kak dorela meakaros.

¹¹I me i kin taman kida wiawian Ieowa; melel i kin tamanda omui manaman akan sang mas o,

¹²O madamadaua duen omui wiawia kan karos, o kilekilang duen omui dodok.

¹³Maing Kot, al omui me pung. Ia wasa amen Kot manaman mia dueta Kaun o?

²Ni ahnsou apwal I kin patohwan kapakap ong Kaun-o; pwohng ehu pwon I kin kapahda pehi kat oh kapakap, I ahpw sohte kin diar nsenamwahu.

³Ni ei kin medemedewe duwen Koht, I kin sengloal; ni ei kin medemedewe, I kin loaltikla.

⁴Erein pwohng ehu pwon Koht sohte ketin mweidohng I en meirla; pwehki ei pwunod laud I sohte kak lokaia.

⁵I ahpw medemedewe duwen rahn me samwalahr ako oh katakatamandohng ie audepen sounpar me samwalahr oko.

⁶Ngehi eri mengimengloalki erein pwohngo oh medemedewe, oh peipeidek loalei,

⁷“Kakete Kaun-o en ketin soingkitailla kohkohlahte? Kakete en solahr pwurehng kupwurperenkin kitail?

⁸E ketin katokehdihsangkitailehr sapwellime limpoak? Sapwellime inowo solahr kehlail?

⁹Dah? Koht ketin melielahr sapwellime kalahngan? Engieng wilianlahr kalahngan en kupwure?”

¹⁰Eri, I ahpw patohwan, “Iet dahme kauweielahr— solahr sapwellimen Koht manaman.”

¹¹Maing KAUN, I pahn patohwan tamanda wiepen nin limomwi lapalap akan; I pahn tamataman soahng kapwuriamwei kan me komw wiadahr kawao.

¹²I pahn medemedewe duwen mehkoaros me komw ketin wiadahr; I pahn medemedewe duwen sapwellimomwi wiewia manaman akan.

¹³Maing Koht, mehkoaros me komw kin ketin wia me sarawi. Sohte emen Koht mie me lapalap duwehte komwi.