MELKAHKA KAN 22:5-15 in Pohnpeian

⁵Irail likwir on komui, rap dorelar, re liki komui, rap jota namenokala.

⁶A nai dueta kamatol amen, a kaidin ol amen, me aramaj akan kin lalaue o mamaleki.

⁷Karoj me kilan ia, kin lalaue, ia, jara pajan au arail o tuetuäl mon arail:

⁸A kin liki Ieowa, i en dorela i, o kamaioda i, pwe a kin kupura i.

⁹Pwe komui kotin kaipwi ia jan nan kaped en in ai; komui ta, me i liki jan ni anjaun ai mi ni maramaran in ai.

¹⁰Jan nan kaped en in ai i lokidokilan komui; komui ta ai Kot jan ni anjaun ai mi pon kopan in ai.

¹¹Kom der kotin doo jan ia, pwe anjaun kalokolok korendor, ap jolar jauaj pa i.

¹²Kau ol kalaimun kan kapil ia penaer, o kau ol en Pajan kele ia pena.

¹³Irail jara don ia dueta laien weriwer o laualo amen.

¹⁴Nai wudokilar dueta pil, ai kokon akan karoj muei pajaner, o monion i pei pajaner nan kaped i dueta wi.

¹⁵Ai kelail nalanal lar dueta diper en dal eu, o lo i pajadan pan natanat ai, o komui kin wia kin ia me melar amen.

⁵Irail likwir ong komui, rap dorelar, re liki komui, rap sota namenokala.

⁶A ngai dueta kamatol amen, a kaidin ol amen, me aramas akan kin lalaue o mamaleki.

⁷Karos me kilang ia, kin lalaue, ia, sara pasang au arail o tuetuäl mong arail:

⁸A kin liki Ieowa, i en dorela i, o kamaioda i, pwe a kin kupura i.

⁹Pwe komui kotin kaipwi ia sang nan kaped en in ai; komui ta, me i liki sang ni ansaun ai mi ni maramaran in ai.

¹⁰Sang nan kaped en in ai i lokidokilang komui; komui ta ai Kot sang ni ansaun ai mi pon kopan in ai.

¹¹Kom der kotin doo sang ia, pwe ansaun kalokolok korendor, ap solar sauas pa i.

¹²Kau ol kalaimun kan kapil ia penaer, o kau ol en Pasan kele ia pena.

¹³Irail sara dong ia dueta laien weriwer o laualo amen.

¹⁴Ngai wudokilar dueta pil, ai kokon akan karos muei pasanger, o mongiong i pei pasanger nan kaped i dueta wi.

¹⁵Ai kelail ngalangal lar dueta diper en dal eu, o lo i pasadang pan ngatangat ai, o komui kin wia kin ia me melar amen.

⁵Re likweriong komwi, re ahpw pitla sang apwal; re likihkomwihla oh ar likilik ahpw kin pweida.

⁶I solahr mwomwen aramas; I wialahr kamwetel men, me aramas koaros kin mwamwahliki oh wia kauwe!

⁷Koaros me kin kilang ie kin kepitkin ie; re kin kapwadehi lowarail oh itihtik moangarail.

⁸Re kin nda, “Ke likiher KAUN-O; a dahme e sohte ketin doarehkinuhkala? Ma KAUN-O kupwurkinuhk, a dahme e sohte ketin sewesehkinuhk?”

⁹Komwi me ketin apwahpwalih ie ni ei ipwidi, oh komwi me pil ketin sinsile ie ni ei seri pwelel.

¹⁰I likih komwi sang ni ei ipwidi, oh komwi kin wia ei Koht ahnsou koaros.

¹¹Komw dehr ketin dohweisang ie! Apwal laud kerendohr, oh sohte me pahn sewese ie.

¹²Imwintihti ngeder, rasehng kouwol kei, kin kapikapil ie; irail koaros kapikapil ie, rasehng kouwol kommwad en Pasan.

¹³Re sarapeseng duwehte laion kei, me kin weriwerki ar men dapengiepeseng.

¹⁴Solahr angi, I rasehngehr pihl me wudeklahr nanpwel. Tih kat koaros piselpesengehr; mohngiongiet rasehng kirihs me peipesengehr nan mesenedi.

¹⁵Nan kepinwereiet ngalangaladahr duwelahr pwelpar, oh loweiet pasdangehr pahn ngatangatei. Komw ketin likidmelieielahr nan pwelpar pwe I en mehla.