MELKAHKA KAN 22:3-11 in Pohnpeian

³Ari jo, komui ta me jaraui, komui me kotikot pan kaul en kapin en Ijrael.

⁴Jam at akan liki komui, o ni ar liki, kom kotin jauaja irail er.

⁵Irail likwir on komui, rap dorelar, re liki komui, rap jota namenokala.

⁶A nai dueta kamatol amen, a kaidin ol amen, me aramaj akan kin lalaue o mamaleki.

⁷Karoj me kilan ia, kin lalaue, ia, jara pajan au arail o tuetuäl mon arail:

⁸A kin liki Ieowa, i en dorela i, o kamaioda i, pwe a kin kupura i.

⁹Pwe komui kotin kaipwi ia jan nan kaped en in ai; komui ta, me i liki jan ni anjaun ai mi ni maramaran in ai.

¹⁰Jan nan kaped en in ai i lokidokilan komui; komui ta ai Kot jan ni anjaun ai mi pon kopan in ai.

¹¹Kom der kotin doo jan ia, pwe anjaun kalokolok korendor, ap jolar jauaj pa i.

³Ari so, komui ta me saraui, komui me kotikot pan kaul en kaping en Israel.

⁴Sam at akan liki komui, o ni ar liki, kom kotin sauasa irail er.

⁵Irail likwir ong komui, rap dorelar, re liki komui, rap sota namenokala.

⁶A ngai dueta kamatol amen, a kaidin ol amen, me aramas akan kin lalaue o mamaleki.

⁷Karos me kilang ia, kin lalaue, ia, sara pasang au arail o tuetuäl mong arail:

⁸A kin liki Ieowa, i en dorela i, o kamaioda i, pwe a kin kupura i.

⁹Pwe komui kotin kaipwi ia sang nan kaped en in ai; komui ta, me i liki sang ni ansaun ai mi ni maramaran in ai.

¹⁰Sang nan kaped en in ai i lokidokilang komui; komui ta ai Kot sang ni ansaun ai mi pon kopan in ai.

¹¹Kom der kotin doo sang ia, pwe ansaun kalokolok korendor, ap solar sauas pa i.

³A komwi ketiket nan mwoalomwi nin duwen Me Sarawio, komwi me Israel kin kapikapinga.

⁴At pahpa kahlap ako kin likih komwi; re likihkomwihla, oh komw ahpw ketin doareirailla.

⁵Re likweriong komwi, re ahpw pitla sang apwal; re likihkomwihla oh ar likilik ahpw kin pweida.

⁶I solahr mwomwen aramas; I wialahr kamwetel men, me aramas koaros kin mwamwahliki oh wia kauwe!

⁷Koaros me kin kilang ie kin kepitkin ie; re kin kapwadehi lowarail oh itihtik moangarail.

⁸Re kin nda, “Ke likiher KAUN-O; a dahme e sohte ketin doarehkinuhkala? Ma KAUN-O kupwurkinuhk, a dahme e sohte ketin sewesehkinuhk?”

⁹Komwi me ketin apwahpwalih ie ni ei ipwidi, oh komwi me pil ketin sinsile ie ni ei seri pwelel.

¹⁰I likih komwi sang ni ei ipwidi, oh komwi kin wia ei Koht ahnsou koaros.

¹¹Komw dehr ketin dohweisang ie! Apwal laud kerendohr, oh sohte me pahn sewese ie.