MELKAHKA KAN 147:12-18 in Pohnpeian

¹²Ierujalem, kapina Ieowa! Jion, kapina om Kot!

¹³Pwe i me kin kotin katenetenedi jal mata en om wanim akan, o kotin kapaiada noum jeri ko, me mimi lole.

¹⁴A kin kotiki on irair en jap om muei mau, o kin kotin kamana kin uk korn kajampwalia.

¹⁵A kin kotin kadardi on jappa a majan akan, a kujoned kin lolok jili madan.

¹⁶A kin kotikidi jno dueta koten o kamoredi poik dueta paj.

¹⁷A kin kotin kajedi akel; ij me kak injenemau ni a kapou?

¹⁸A kin majani, ap pan pei pajan, a kin kotin kadar wei an, ap kin pwilewei.

¹²Ierusalem, kapinga Ieowa! Sion, kapinga om Kot!

¹³Pwe i me kin kotin katengetengedi sal mata en om wanim akan, o kotin kapaiada noum seri ko, me mimi lole.

¹⁴A kin kotiki ong irair en sap om muei mau, o kin kotin kamanga kin uk korn kasampwalia.

¹⁵A kin kotin kadardi ong sappa a masan akan, a kusoned kin lolok sili madang.

¹⁶A kin kotikidi sno dueta koten o kamoredi poik dueta pas.

¹⁷A kin kotin kasedi akel; is me kak insenemau ni a kapou?

¹⁸A kin masani, ap pan pei pasang, a kin kotin kadar wei ang, ap kin pwilewei.

¹²Serusalem, kapinga KAUN-O! Saion, kapinga omw Koht!

¹³E kin ketin silehdi mwahu omw ewen kehl kan; e kin ketin kupwuramwahwih noumw aramas akan.

¹⁴E kin ketin sinsile irepen omw wehi oh kin katungoalehkin kumwail pilawa me keieu mwahu.

¹⁵Ni eh kin ketin koasoanediong sampah mehkot, koasoandio kin mwadangete pweida.

¹⁶E kin ketin kadaridi sinoh duwehte pilangkes ehu oh kamwarak pwoaik rasehng pwelpar.

¹⁷E kin ketin kadaridi keteu aihs takai duwehte rakied; oh sohte me kakohng kepeu me e kin ketin kadarodo!