MELKAHKA KAN 140:3-13 in Pohnpeian

³Irail kin ada lo arail dueta jerpent; poijen en jerpent mi pan lo arail. Jela.

⁴Pera wei jan ia pa en me doo jan Kot akan, o aramaj morjued akan, me kin madamadaua duen ar pan kawe ia la.

⁵Me aklapalap akan kin rir injare ia, o uk pot, me re wiai on ia liman al o; o jon, en men kol ia di, me re wiadar. Jela.

⁶A nai indan Ieowa: Komui ai Kot; kom kotin ereki ai nidinid, Main Ieowa!

⁷Ieowa Kaun, iei jauaj pa i kelail; ni anjau en pei komui peraer mon ai.

⁸Main Ieowa, kom der kotin mueid on me doo jan Kot akan ar inon; o der kotin kapwaiada injen ar, pwe re de aklapalapala. Jela.

⁹Me jued kot, me ai imwintiti kaonopadan ia en japal won pein irail.

¹⁰Kijiniai en moredi on po ’rail; A en kotin kaje irail di nan kijiniai, nan lapake, pwe ren jolar pitila.

¹¹Me lo a jued, ender pwaida nan jap o, ol morjued, me jued en pakipaki i, lao a pan pupedi.

¹²I aja, me Ieowa pan kotin apapwali me luet akan, o jauaj pun en me jamama kan.

¹³Melel, me pun kan pan kapina mar omui, me melel akan pan mimieta mon jilan ar.

³Irail kin ada lo arail dueta serpent; poisen en serpent mi pan lo arail. Sela.

⁴Pera wei sang ia pa en me doo sang Kot akan, o aramas morsued akan, me kin madamadaua duen ar pan kawe ia la.

⁵Me aklapalap akan kin rir insare ia, o uk pot, me re wiai ong ia liman al o; o song, en men kol ia di, me re wiadar. Sela.

⁶A ngai indang Ieowa: Komui ai Kot; kom kotin ereki ai ngidingid, Maing Ieowa!

⁷Ieowa Kaun, iei sauas pa i kelail; ni ansau en pei komui peraer mong ai.

⁸Maing Ieowa, kom der kotin mueid ong me doo sang Kot akan ar inong; o der kotin kapwaiada insen ar, pwe re de aklapalapala. Sela.

⁹Me sued kot, me ai imwintiti kaonopadang ia en sapal wong pein irail.

¹⁰Kisiniai en moredi ong po ’rail; A en kotin kase irail di nan kisiniai, nan lapake, pwe ren solar pitila.

¹¹Me lo a sued, ender pwaida nan sap o, ol morsued, me sued en pakipaki i, lao a pan pupedi.

¹²I asa, me Ieowa pan kotin apapwali me luet akan, o sauas pung en me samama kan.

¹³Melel, me pung kan pan kapinga mar omui, me melel akan pan mimieta mon silang ar.

³Lowarail kan kin rasehng lowen sineik me kin kemehla aramas; arail lokaia kan rasehng pwoisen en sineik.

⁴Maing KAUN, komw ketin sileiesang manaman en aramas suwed kan; komw ketin sileiesang sounkam aramas akan me kin nannantihong pwe I en pwupwudi.

⁵Aramas aklapalap kei wiadahr arail mehn lidipih ie; re koasoanedier arail lidip kan limwahnial pwe re en lidipihiehdi.

⁶I ahpw patohwanohng KAUN-O, “Komwi me ei Koht.” Maing KAUN, komw ketin karonge ngilen ei pek sawas!

⁷Maing KAUN, Wasa Lapalahpie, soundoarepei roson, komwi me ketin sinsilei ie ni ahnsoun mahwen.

⁸Maing KAUN, komw dehr ketikihong aramas suwed kan dahme re kin anahne; komw dehr ketin mweidohng arail koasoandi kan en kin pweida.

⁹Komw dehr ketin mweidohng ei imwintihti kan en powehdi; komw kupwure pwe ar widing kan en pwurehng irail.

¹⁰Komw ketin kamwerediong pohrail mwoalus mwehl; oh re en lekdekiong nan ehu pwoahr loalen me re sohte kak kohda sang ie.

¹¹Irail kan me kin karaun likamw ong meteikan re en dehr kin pweida; oh me suwed en kin uhd kamwomwala sounkam aramas akan.

¹²Maing KAUN, I patohwan ese me komw kin ketin doarehla pwung en me semwehmwe kan oh pwung en me paisuwedlahr akan.

¹³Mehlel, aramas pwung kan pahn kapinga komwi; re pahn kin momour mwohn silangmwi.