MELKAHKA KAN 139:6-16 in Pohnpeian

⁶Mepukat meid kapuriamui on ia, meid apwal, i jota kak dedeki.

⁷Ia waja, i pan kak ko jan mon nen ar ia? O ia waja, i pan kak piti jan jilan ar ia?

⁸Ma i piridala nanlan, kom kotikot waja o, o ma i onop on wendi nan wajan mela, kom pil kotikot ia.

⁹Ma i ale pan pir en umpul en katipin, ap mimieta ni kailan madau,

¹⁰Lim ar pil pan kare ia waja o, o lim ar maun pan kolekol ia.

¹¹Ma i pan inda: Rotorot en kadupwal ia di, pon ap pil pan marainla imp ai.

¹²Pwe rotorot jo kin rotorot mo omui, o pon kin marain dueta nin ran, rotorot kin dueta marain.

¹³Pwe kom me kotin wiadar mudilik i, o kom kotin wia ia da nan kaped en in ai.

¹⁴I danke komui, duen kapuriamui en ai wiaui ia da, meid kapuriamui japwilim ar dodok kan, nen i pil dedeki melel mepukat.

¹⁵Kokon ai kan me janjal on komui ni ai wiauier waja rir, ni ai wiauier waja lol en jappa.

¹⁶Jilan ir mani ia ni ai jaikenta wiauier, o ran karoj me kokodo, ap jaikenta mia, me kileledier nan japwilim omui puk o.

⁶Mepukat meid kapuriamui ong ia, meid apwal, i sota kak dedeki.

⁷Ia wasa, i pan kak ko sang mon ngen ar ia? O ia wasa, i pan kak piti sang silang ar ia?

⁸Ma i piridala nanlang, kom kotikot wasa o, o ma i onop ong wendi nan wasan mela, kom pil kotikot ia.

⁹Ma i ale pan pir en umpul en katipin, ap mimieta ni kailan madau,

¹⁰Lim ar pil pan kare ia wasa o, o lim ar maun pan kolekol ia.

¹¹Ma i pan inda: Rotorot en kadupwal ia di, pong ap pil pan marainla imp ai.

¹²Pwe rotorot so kin rotorot mo omui, o pong kin marain dueta nin ran, rotorot kin dueta marain.

¹³Pwe kom me kotin wiadar mudilik i, o kom kotin wia ia da nan kaped en in ai.

¹⁴I danke komui, duen kapuriamui en ai wiaui ia da, meid kapuriamui sapwilim ar dodok kan, ngen i pil dedeki melel mepukat.

¹⁵Kokon ai kan me sansal ong komui ni ai wiauier wasa rir, ni ai wiauier wasa lol en sappa.

¹⁶Silang ir mangi ia ni ai saikenta wiauier, o ran karos me kokodo, ap saikenta mia, me kileledier nan sapwilim omui puk o.

⁶Omwi wehwehkin ie me inenen laud mehlel; me apwal ong ie mehlel I en dehdehki.

⁷Ia wasa I kak patohla ie, pwe I en pitsang komwi? Ia wasa I kak patohwan tangala ie, pwe I en rirsang silangmwi?

⁸Ma I pahn patohdahla nanleng, komwi pahn ketiket wasao; ma I pahn patohdihla nan wasahn me melahr akan, komw pil kin ketiket wasao.

⁹Ma I pahn pihrlahng palilahn palimesenleng de kousoanla wasa keieu doh palikapi,

¹⁰komw pil kin ketiket wasa ko pwe komwi en kin ketin kahluwa ie, komw pil kin ketiket wasao ko pwe komwi en kin ketin sewese ie.

¹¹I kakete patohwanohng rotorot en koaduhpwaliehdi de marain en rotala,

¹²ahpw mwohn silangmwi rotorot sohte kin rotorot, oh nipwong kin marain duwehte nin rahn. Rotorot oh marain kin duwepenehte rehmwi.

¹³Komwi me ketin wiahda soahng koaros ni paliwereiet; komwi me ketin kakonepene paliwereiet nan kapehd en inei.

¹⁴I kin patohwan kapingahkin komwi omwi lammwin kowahlap; wiepen nin limomwi kan me kapwuriamwei oh inenen mwahu mehlel. I kin wehwehki duwen met.

¹⁵Ni tih kat eh kakonokonpene ni keneinei nan kapehd en inei, ni ei tepin kekeirda wasa riro, komw ketin mwahngihieier—

¹⁶komw ketin mahsanihieier mwohn ei ipwidi. Rahn akan en mouriet kileldi nan sapwellimomwi pwuhk, pil mwohn tepidahn keieun rahn.