Mbouŋ to Yes Israela 99:4-7 in Mutu

⁴ Yom kinik ariaŋam, ve lolom pa ŋgar deŋia kat. Yom to unum pughu pa ŋgar deŋia. Yom upapalot ŋgar deŋia le ineep ariaŋa ila yes Israela lolodi, ve uluul di pa pataŋani todi.

⁵ Tapait Yoova, ye Maaron toit. Tala taput agheed izi ina to ghamuuŋ pooz nagho, ve tapaiti. Pasa, ye patabuaŋ.

⁶ Muuŋ, Mose yesuru Aron tinim ndiran to watooŋrau. Tamtoghon to titaŋ roran Maaron pa ulaaŋ, propet Samuel, ye todi eez paam. Ve Yoova ilooŋ suŋuuŋ todi, ve iuul yes Israela.

⁷ Sawa to yes Israela tilaghlaagh izi ndug balim, Yoova ineep ila yaghur tae lolo, ve isavsaav padi. Ye ighur tutuuŋ padi, leso yesŋa tilup di tinim ee moghon. Ve matadi kisin tutuuŋ tonowen toman tutuuŋ pida to ye igham padi, ve titaghon di.

⁴ Yo kinik saksakim ve ariaŋam, ve lolom pa ŋgar duduuŋa kat. Yo ta umin puughu pa ŋgar duduuŋa. Yo upapalot ŋgar duduuŋa, le igheen ariaaŋ ila yes Israela sosozi, ve uluul zi pa pataŋani toozi.

⁵ Tapait Yoova, i Maaron toit. Tala taput agheen ila niia to ghamuuŋ pooz naagho ve tapakuru. Pa i patabuyaaŋ.

⁶ Muuŋ, Mose gha Aron timin zeran to watooŋrau. Yes tau titaŋ rarai Maaron pa uleeŋ na, propet Samuel, i toozi ee paam. Ve Yoova ilooŋ suŋuuŋ toozi, ve iuul yes Israela.

⁷ Saawe tau yes Israela tilaghlaagh izi nugh ŋginaaŋa, Yoova ileep ila taitai loolo, ve isavsaav pazi. I ighur tutuuŋ pazi, leso yesŋa tivalupu zi timin eemon. Ve matazi kisin tutuuŋ tawe tomania tutuuŋ siriv tau i igham pazi na, ve titaghon zi.