Mbouŋ to Yes Israela 96:1-9 in Mutu

¹ Ambou mbouŋ paghu pa Yoova! Yam tamtoghon to aneep irau taan, ambou pa Yoova.

² Ambou pani, ve apait iza pa poia toni. Uraat tintina to ye ighamgham di pa iuul ghiit, asasavia di irau sawa isob.

³ Avotia iza tiina toman tapiri ve poia toni irau ndug tisob. Ve uraat toni gharatooŋadi to ite kat, asavia di irau ndug ndug.

⁴ Pasa, Yoova, ye iza tiina kat. Tovenen iit irau tapait varu le tapaiti kat, ve tamatughez pani ilib pa ndimaronŋa tisob.

⁵ Pasa, ndimaronŋa tisob to ndug ndug timbesmbees padi, nene maaron kaaromŋa moghon. Ve Yoova, ye Maaron tau to ighur sambam toman mbeb tisob to tineep ila.

⁶ Ye iza tiina kat, ve ŋguruba iluvuti. Tapiri ve poia toni ipavonin rumai toni lolo, ve ipambooda le paghuna kat.

⁷ Tovenen yam tamtoghon to ndug ndug, ŋgar tiam ivot, ve aghilaal Yoova! Ŋgar tiam pakia ve apaiti. Pasa, ye le iza, ve tapiri tiina.

⁸ Iza tiina le tiina kat. Tovenen yam apaiti, ghoro deŋia. Anim toman paitooŋ tiam, ve alooŋ ala sirsiir to rumai toni lolo.

⁹ Yoova ipambood tau pa ŋgar toni patabuaŋ. Tovenen aput aghemim pani ve apaiti. Yam tamtoghon to taan, asob amatughez pani, ve atatan taumim ila mata.

¹ Ambou mbouŋ paaghu pa Yoova! Yam tamtamon tau aleep irau taan na, ambou pa Yoova.

² Ambou mbouŋ pani, ve apait eeza pa poia tooni. Uraat tintiina tau i ighamgham zi to iuul ghiit na, saawe isov asasavi zi.

³ Avotia eeza tiina tomania tapiri ve poia tooni irau nugh naol isov. Ve uraat tooni ŋgeretazi tau maata ite na, asavi zi ila irau nughmariŋ.

⁴ Pasaa, Yoova, i eeza tiina kat. Tauvene iit aat tapait vaaru le tapaiti kat, ve taroi pani iliiv zimaronŋa tisov.

⁵ Pasaa, zimaronŋa tisov tau nugh nugh tibesbees pazi na, ene maaron karomŋa mon. Ve Yoova, i Maaron tauu ta ighur sambam tomania gabua naol isov.

⁶ I eeza tiina kat ve mbonari ilivuti. Tapiri ve poia tooni ipavon rumei tooni loolo, ve ipaboode le paghuuna kat.

⁷ Tauvene yam tamtamon to nughmariŋ, ŋgar tsiam ivot ve aghilaal Yoova! Ŋgar tsiam pakia ve apakuru. Pa i le eeza, ve tapiri tiina kat.

⁸ I eeza tiina le tiina kat. Tauvene yam apaiti, o iduduuŋ. Alam tomania paitooŋ tsiam, ve aloŋ ala sirsiir to rumei tooni loolo.

⁹ Yoova ipabood tauu pa ŋgar tooni patabuyaaŋ. Tauvene aput aghemim pani ve apaiti. Yam tamtamon to taan, asov aroi pani, ve atatan taumim ila naagho.