3 Pasa, Yoova, ye Maaron tiina. Ye kinik tiina kat to ilib pa ndimaronŋa tisob.
4 Mbeb to taan tisob tineep ila nima. Taan pughu to sila we, le izala lolooz daba paam, ye iŋgin di tisob.
5 Te toman taan, mbeb toni moghon. Pasa, ye nima to ighur di.
6 Yam anim talup ghiit, ve tasuŋ pa Yoova. Tatud pani ve taput agheed, ve tapaiti. Pasa, ye to ighur ghiit.
7 Ye Maaron toit, ve iit sipsip toni. Ye iŋgin ghiit ve mata pait. Taneep ila ye nima, ve tau ipanpan ghiit. Aazne, ighaze yam alooŋ Yoova aliŋa ve ataghoni, ghoro poia.
8 Ye isaav payam ighaze: “Apoon lolomim payou, ve azoor ghou inimale muuŋ nditimbumim tighami izi ndug balim to Meriba ve Masa ne malep.
9 Sawa tonenen, you nagham uraat tintina ila lolodi, ve tighita pa taudi matadi. Eemoghon tighur inim tiou maau. Ve tinoknok tovaaŋ ghou.
10 Tauto lolog padi maau kat irau ndaman tamoot ru. Ve nasaav naghaze: ‘Ndiran tonowen, lolodi pa titaghon ŋgar tiou maau. Moghon moghon tiyel pa ataam tiou.’