Mbouŋ to Yes Israela 95:3-10 in Mutu

³ Pasa, Yoova, ye Maaron tiina. Ye kinik tiina kat to ilib pa ndimaronŋa tisob.

⁴ Mbeb to taan tisob tineep ila nima. Taan pughu to sila we, le izala lolooz daba paam, ye iŋgin di tisob.

⁵ Te toman taan, mbeb toni moghon. Pasa, ye nima to ighur di.

⁶ Yam anim talup ghiit, ve tasuŋ pa Yoova. Tatud pani ve taput agheed, ve tapaiti. Pasa, ye to ighur ghiit.

⁷ Ye Maaron toit, ve iit sipsip toni. Ye iŋgin ghiit ve mata pait. Taneep ila ye nima, ve tau ipanpan ghiit. Aazne, ighaze yam alooŋ Yoova aliŋa ve ataghoni, ghoro poia.

⁸ Ye isaav payam ighaze: “Apoon lolomim payou, ve azoor ghou inimale muuŋ nditimbumim tighami izi ndug balim to Meriba ve Masa ne malep.

⁹ Sawa tonenen, you nagham uraat tintina ila lolodi, ve tighita pa taudi matadi. Eemoghon tighur inim tiou maau. Ve tinoknok tovaaŋ ghou.

¹⁰ Tauto lolog padi maau kat irau ndaman tamoot ru. Ve nasaav naghaze: ‘Ndiran tonowen, lolodi pa titaghon ŋgar tiou maau. Moghon moghon tiyel pa ataam tiou.’

³ Pasaa, Yoova, i Maaron tiina. I kinik tiina kat tau iliiv zimaronŋa tisov.

⁴ Gabua naol isov to taan tigheen ila i niima. Taan puughu ta siiŋa we, le izala loloz daaba paam, ene i iŋginiir zi tisov.

⁵ Te tomania taan, ene gabua tooni mon. Pasaa, i niima ta ighur zi.

⁶ Yam alam talup ghiit ve tasuŋ pa Yoova. Tatud pani ve taput agheen ve tapakuru. Pasaa, i ta ighur ghiit.

⁷ I Maaron toit, ve iit sipsip tooni. I iŋginŋgin ghiit ve maata pait. Taleep ila i niima, ve i tauu ipanpan ghiit. Aazne, ighe yam alooŋ Yoova aliiŋa ve ataghoni, o poia.

⁸ I isaav payam ighe: “Apoon lolomim payau ve agham taliiŋzizi imin muuŋ timbumimŋa tighamu izi nugh ŋginaaŋa to Meriba ve Masa na sov.

⁹ Saawe tana, yau nagham uraat tintiina ila sosozi, ve tighita pa tauzi matazi wa. Eemon tighur ilam tsiau mako. Ve tinoknok tovaaŋ ghau.

¹⁰ Tauta lolog pazi mako kat irau ndaman tamoot ru. Ve nasaav naghe: ‘Zeran tawe, lolozi pa titaghon ŋgar tsiau mako. Monmon tisosor pa eez tsiau.’