Mbouŋ to Yes Israela 95:1-6 in Mutu

¹ Anim, tambou ve tapait Yoova. Tiniid iza, ve talool. Pasa, ye Volaaŋa toit ariaŋa to iponpoon ghiit pa koiaad inimale yaam tiina.

² Anim tala tayoon ila nagho, ve tapaiti pa poia toni. Aliŋaad iza, ve tambou toman tiniid iza, ve tapaiti.

³ Pasa, Yoova, ye Maaron tiina. Ye kinik tiina kat to ilib pa ndimaronŋa tisob.

⁴ Mbeb to taan tisob tineep ila nima. Taan pughu to sila we, le izala lolooz daba paam, ye iŋgin di tisob.

⁵ Te toman taan, mbeb toni moghon. Pasa, ye nima to ighur di.

⁶ Yam anim talup ghiit, ve tasuŋ pa Yoova. Tatud pani ve taput agheed, ve tapaiti. Pasa, ye to ighur ghiit.

¹ Alam tambou ve tapakur Yoova. Tintiniin, ve tayoor eeza. Pa i Uleeŋa toit ariaaŋa tau iponpoon ghiit pa koiaanŋa imin maet tiina.

² Alam tala tayooz ila naagho, ve tapakuru pa poia tooni. Aliŋaan izaa, ve tambou toman tintiniin, ve tapaiti.

³ Pasaa, Yoova, i Maaron tiina. I kinik tiina kat tau iliiv zimaronŋa tisov.

⁴ Gabua naol isov to taan tigheen ila i niima. Taan puughu ta siiŋa we, le izala loloz daaba paam, ene i iŋginiir zi tisov.

⁵ Te tomania taan, ene gabua tooni mon. Pasaa, i niima ta ighur zi.

⁶ Yam alam talup ghiit ve tasuŋ pa Yoova. Tatud pani ve taput agheen ve tapakuru. Pasaa, i ta ighur ghiit.