Mbouŋ to Yes Israela 91:3-14 in Mutu

³ Onoon kat, ye pale ipaghau aghem pa liis to koiamŋa tighuri payom. Ve ipaghau moroghooŋ samia payom.

⁴ Pale iŋgin ghom ila nima samba inimale tatareek ipakud ndinatu ila bage samba. Yes to tiyooŋ ila toni, pale tineep pooi. Pasa, ye itataghon saveeŋ mbuaaŋ toni. Ŋgar tonenen pale inim sigeu payom, ve ipoon ghom pa mbeb samsamia.

⁵ Tovenen yom irau umatughez pa mbeb samsamia to mboŋ maau. Ve ndag paam, irau umatughez pa koiamŋa pane todi ndinatu maau.

⁶ Tovenen moroghooŋ samsamia to ighamgham tamtoghon pa mboŋ, ve pataŋani to irabrab di pa ndag, yom irau umatughez padi maau.

⁷ Ighaze tamtoghon ndiŋndiŋ eez (1000) timatmaat ve titaptap ila digem, ma tamtoghon ndiŋndiŋ saaŋgul (10,000) to tiluvut ghom timatmaat, yom umatughez malep. Pasa, mbeb samia eta irau inim igharau ghom maau.

⁸ Atia to iza to ndiran samsamia, yom pale unepneep, ve ughita katini pa taum matam.

⁹ Pasa, yom uyoŋyooŋ ila to Yoova, ve ye inim inam to nepooŋ. Maaron Tiina To Ilib Pa Ndimaronŋa Tisob iŋgin ghom. Tauto uneep pooi ila samba.

¹⁰ Tovenen mbeb samia eta irau iwaghamun ghom maau, ve moroghooŋ samia eta irau igharau inam to nepooŋ maau.

¹¹ Pasa, Maaron pale imbaaŋ aŋela toni pa tiŋgin ghom. Ndug sine to ughaze ula pani, yes pale matadi payom.

¹² Pale tikis ghom pa nimadi, ve tipalot ghom. Leso utut aghem ila yaam sob.

¹³ Ighaze utut laion paghu, ma uvazag moot samia eta, nene irau tigham mbeb eta payom maau.

¹⁴ Pasa, Yoova isaav ighaze: “Yes to lolodi ineep tuŋia inim tiou ve titaghon ataam tiou, you pale napas di tivot pa pataŋani todi. Ve you pale naghur di tizala sala, ve matag padi. Leso mbeb eta iwaghamun di sob. Pasa, yes tiwatag ghou, ve lolodi ineep tiou.

³ Onoon kat, i pale ipasalia aghem pa liis tau koiamŋa tighuru payo. Ve ipaghau moroghooŋ saghati payo.

⁴ I pale iŋgin ghom ila niima saamba imin tatareek ipagud natŋa ila baage saamba. Yes tau tiyooŋ ila tooni na, pale tileep poi. Pasaa, i itataghon saveeŋ mbuaaŋ tooni. Ŋgar tana pale imin sigheu payo, ve ipoon ghom pa gabua sasaghati.

⁵ Tauvene yo irau uroi pa gabua sasaghati to mboŋ mako. Ve mataaz paam, irau uroi pa koiamŋa paneegh toozi natŋa mako.

⁶ Tauvene moroghooŋ sasaghati tau ighamgham tamtamon pa mboŋ, ve pataŋani tau iravrav zi pa mataaz na, yo irau uroi pazi mako.

⁷ Isaav ighe tamtamon ndiŋndiŋ ndiŋndiŋ ee (1,000) timatmaat ve titaptap ila zigem, ma tamtamon ndiŋndiŋ ndiŋndiŋ saŋavul (10,000) tau tilivut ghom na timataar, na uroi sov. Pa gabua saghati eta irau ilam igharau ghom mako.

⁸ Atuya tau izaa to zeran sasaghati na, yo pale ulepleep, ve ughit katini pa taum matam.

⁹ Pasaa, yo uyoŋyooŋ ila to Yoova, ve i imin niam to lepoogh. Maaron Tiina Tau Iliiv Zimaronŋa Tisov na iŋginŋgin ghom, tauta uleep poi ila i saamba.

¹⁰ Tauvene gabua saghati eta irau ivaghamun ghom mako, ve moroghooŋ saghati eta irau igharau niam to lepoogh mako.

¹¹ Pasaa, Maaron pale imbaaŋ aŋela tooni to tiŋgin ghom. Nugh sindei tau ighe yo ula pani, yes pale matazi payo.

¹² Yes pale tikis ghom pa nimazi, ve tipalot ghom. Leso utut aghem ila maet sov.

¹³ Isaav ighe utut laion paaghu, ma uvaghaaz moot saghati eta, ene irau tigham gabua eta payo mako.

¹⁴ Pasaa, Yoova isaav ighe: “Yes tau lolozi isaghav ghau ve titaghon eez tsiau na, yau aat napas zi tivot pa pataŋani toozi. Ve yau aat naghur zi tizala saaŋa ve matag pazi. Leso gabua eta ivaghamun zi sov. Pasaa, yes tiwatagh ghau, ve lolozi igheen ilam tsiau.