Mbouŋ to Yes Israela 90:11-17 in Mutu

¹¹ Maaron, sei ighilaal katin mbalmbali tiom tapiri? Mbalmbali tiom to iŋaŋarua ghei ne, sei ighazooŋ pani, leso imatughez payom, ve itaghon aliŋam? Eta maau.

¹² Tovenen ugham ghei nighilaal nighaze nepooŋ tiei to taan, nene tuku kat. Leso ŋgar tiei ivot, ve nighilaal ataam to nineep pooi.

¹³ O Yoova, ŋeez o utoor ŋgar tiom, ve matam inim payei muul? Lolom isamin ghei ve uul ghei. Pasa, yei mbesooŋa tiom.

¹⁴ Mboŋmaagh to naol ne, nighaze upavonin ghei pa poia tiom, ve upatooŋ ŋgar tiom to lolom ineep tuŋia ila to tamtoghon tiom ve uluul di. Leso lolomai poia ve tinimai iza, ve nimboumbou ila le sawa tiei isob.

¹⁵ Ugham sawa poia ivot. Leso lolomai poia, ve iyat ndaman katindi to ughur pataŋani payei ve nineep sami.

¹⁶ Yei mbesooŋa tiom nighaze nighita ghom ugham uraat tintina tivot muul. Ve papaghu tiei to muri pale tivot ne paam, nighaze upatooŋ tapirim padi toman poia tiom to izam tiina pani, ve tighita.

¹⁷ Yoova, yom Maaron tiei. Lolom poia payei, ve ughur poia tiom iza tiei. Leso uraat to nighamghami pa nimamai ilaan poia. Upalot uraat tiei. Leso anoŋa ivot.

¹¹ Maaron, sei ighilaal katin aatyavyav tsio tapiri? Aatyavyav tsio tau iŋaŋarui ghei ne, sei ighazooŋ pani, leso iroi payo ve itaghon aliŋam? Eta mako.

¹² Tauvene ugham ghei nighilaal nighe lepoogh tsiei to taan, ene tuuku kat. Leso ŋgar tsiei ivot, ve nighilaal eez to nileep poia.

¹³ O Yoova, ŋeez o utoor ŋgar tsio ve matam ilam payei muul? Lolom isaghatin ghei ve uul ghei. Pa yei besooŋa tsio.

¹⁴ Mboŋoozo ta naol ne, nighe upavon ghei pa poia tsio, ve utotoi ŋgar tsio tau lolom isaghav tamtamon tsio ve uluul zi. Leso lolomai poia ve tintinmai, ve nimboumbou ila le saawe tsiei isov.

¹⁵ Ugham saawe poia ivot. Leso lolomai poia, ve iyat ndaman katini tau ughurghur pataŋani payei ve nileep saghat na.

¹⁶ Yei besooŋa tsio nighe nighit ghom ugham uraat tintiina tivot muul. Ve paaghu tsiei tau pale tivot murei na paam, nighe utotoi tapirim pazi tomania poia tsio tau ezam tiina pani na, ve tighita.

¹⁷ Yoova, yo Maaron tsiei. Lolom poia payei ve ughur poia tsio izaa tsiei. Leso uraat tau nighamghamu pa nimamai ne ilaan poia. Upalot uraat tsiei. Leso ighur anooŋa.