Mbouŋ to Yes Israela 8:2-8 in Mutu

² Yom ughur yes ndipain ve yes to gegegeu kat pa tipait izam ve tipatooŋ tapirim. Leso ugham koiamŋa neneeŋadi, ve upoon yes ndiran to didiaaŋ avodi.

³ Matag izala pa sambam paroŋania, ve naghita nimam muri inepneep. You naghita kaiyo ve pitum to yom taum ughur di tila inadi,

⁴ ve naghaze: “Yei tamtoghon to taan, ninim sa mbeb poia, to yom matam iŋgalŋgal ghei? Pughu vena to matam payei?

⁵ Yom ughur ghei nizi ris moghon pa yes aŋela ve yom taum. Ve upakur ghei ve ugham izamai ivot inim tiina.

⁶ Yom ughur ghei pa niŋgin nimam muri, ve ughur mbeb tisob tineep ila sambamai:

⁷ Ŋgai naol to paanu, ve mbeb tisob to tineep ila su,

⁸ man tisob to tirovroov ila tata paroŋania, ve iigh tisob to tighaughau ila te lolo.

² Yo ughur yes geegeu ve yes tau siŋsiŋaiŋazi to tipait ezam ve titotoi tapirim. Leso ugham koiamŋa tineneeŋ, ve upoon yes zeran to taliiŋzizi avozi.

³ Matag izala pa sambam saamba, ve naghita nimam muuri ighengheen. Yau naghita kaiyo ve pitum tau yo taum ughur zi tila niazi na,

⁴ ve naghe: “Yei tamtamon to taan, nimin saa kaut poia, ta yo matam iŋgalŋgal ghei? Mindai ta yo matam payei?

⁵ Yo ughur ghei nizi rigmon pa yes aŋela ve yo taum. Ve upakur ghei, ve ugham ezamai ivot imin tiina.

⁶ Yo ughur ghei to niŋgin yo nimam muuri, ve ughur gabua isov ila yei sambamai:

⁷ Ŋgai maata maata to nughei, ve gabua tisov tau tileep izi su,

⁸ man tisov tau tirovroov ila taitai saamba, ve iigh tisov tau tilaghlaagh ila te loolo.