Mbouŋ to Yes Israela 89:35-40 in Mutu

³⁵ Pasa, you Maaron patabuaŋ. Tovenen saveeŋ mbuaaŋ tiou to napariaaŋa le iyaryaaŋ kat, nene pale inepneep tovene itaghoni taghoni gha ila. Irau natombaan David maau.

³⁶ Tovenen siŋ toni irau isob maau. Pale iseŋseeŋga itaghoni taghoni gha ila. Pale matag padi, ve pooz todi iyaryaaŋ inimale ndag, ve inepneep tovene.

³⁷ Pooz todi pale tuŋia irau sawa isob inimale kaiyo. Kaiyo to ineep ila sambam paroŋania, nene ipatooŋ saveeŋ mbuaaŋ tiou tonene ighaze, nene onoon.”

³⁸ Yoova, muuŋ yom umbua saveeŋ ariaŋa tovene pa David ve papaghu toni. Eemoghon aazne, atem yabyab kat pa kinik tiei to taum usia ve ughuri pa uraat. Yom lolom pani muul maau, ve upul murim pani kat.

³⁹ Saveeŋ mbuaaŋ to muuŋ ugham pa mbesooŋa tiom, aazne ureua wa. Ve uzugua moghar toni izi pa daba, ve upiyaava izila ghavuur.

⁴⁰ Didiiŋ ariaŋa to iluvut ndug toni, yom ureu mbirisani izi. Ve uwaghamun ruum toni ariaŋadi paam, le tisob timbiriis.

³⁵ Pasaa, yau Maaron patabuyaaŋ. Tauvene saveeŋ mbuaaŋ tsiau tau napariaaŋa le iyaryaaŋ kat, ene pale igheen tauvene taghon taghon gha ila. Irau natombaan David mako.

³⁶ Paaghu tooni irau tisov mako. Siŋ toozi pale iparseeŋ taghon taghon gha ila. Pale matag pazi ve pooz toozi iyaryaaŋ imin aaz, ve ighengheen tauvene.

³⁷ Pooz toozi pale tuŋia irau saawe imin kaiyo. Kaiyo tau igheen ila sambam saamba, ene imin ilaal ighe saveeŋ mbuaaŋ tsiau tane, ene onoon.”

³⁸ Yoova, muuŋ yo umbu saveeŋ ariaaŋa tauvene pa David ve paaghu tooni. Eemon aazne, atem yavyav kat pa kinik tsiei tau taum usiigho ve ughuru pa uraat na. Yo lolom pani muul mako, ve ughur murim pani kat.

³⁹ Saveeŋ mbuaaŋ tau muuŋ ugham pa besooŋa tsio na, aazne yo ureua wa. Ve uzugh moghar ndamoonda tooni izi pa daaba, ve usiki ila ŋgaupup.

⁴⁰ Didiiŋ ariaaŋa tau ilivutin nugh tooni na, yo ureu mbirisaini izi. Ve uvaghamunia ruum tooni ariaŋazi paam, le tisov timbiriis.