Mbouŋ to Yes Israela 84:7-11 in Mutu

⁷ Tovenen tamtoghon toni tapiridi ivotvot, ve tilaghlaagh titaghon ataam, le tila tivot Maaron nagho izi lolooz Zion.

⁸ O Yoova, yom Maaron ariaŋam kat, ve uŋgin mbeb tisob. Ulooŋ suŋuuŋ tiou tonene. Maaron to Yakop, ughur taliŋam payou.

⁹ Maaron, suŋuuŋ tiei iŋarua ghom pa kinik tiei to yom taum usia. Matam pani, ve ughur poia tiom iza toni. Pasa, ye to inim sigeu payei.

¹⁰ Ighaze you naneep ila sirsiir to rumai tiom lolo pa ndag ee moghon kat, nene igham ghou lolog poia ilib pa sawa ndiŋndiŋ ndiŋndiŋ to naneep izi ndug pida. You lolog pa naneep toman ndiran samsamia ila ruum todi maau. You naghaze le naneep ataam avo to Maaron tiou rumai toni, ghoro poia.

¹¹ Maaron toit Yoova, ghazooŋa toni isul ghiit inimale ndag, ve ye inim sigeu pait. Ye ighamgham poian ghiit, ve igham izaad ivot inim tiina. Yes to laghooŋ todi deŋia ila mata, ye irau iŋguruut mbeb poia eta padi maau.

⁷ Tauvene tamtamon tooni tapirizi ivotvot, ve tilaghlaagh taghon eez, le tila tivot Maaron naagho izi loloz Zion.

⁸ O Yoova, yo Maaron saksakim ve uŋgin gabua naol isov. Ulooŋ suŋuuŋ tsiau tane. Maaron to Yakop, ughur taliŋam payau.

⁹ Maaron, suŋuuŋ tsiei iŋarui ghom pa kinik tsiei tau yo taum usiigho na. Matam pani ve ughur poia tsio izaa tooni. Pa i ta imin sigheu payei.

¹⁰ Isaav ighe yau naleep ila sirsiir to rumei tsio loolo pa aaz eemon geeg, ene igham ghau lolog poia iliiv saawe ndiŋndiŋ ndiŋndiŋ tau naleep izi nugh siriv. Yau lolog pa naleep tomania zeran sasaghati ila ruum toozi mako. Yau naghe le naleep ataman aavo to Maaron tsiau rumei tooni, o poia.

¹¹ Maaron toit Yoova, ghazooŋa tooni isul ghiit imin aaz, ve i imin sigheu pait. I ighamgham poghani ghiit, ve igham ezaan ivot imin tiina. Yes tau laghooŋ toozi iduduuŋ ila maata na, i irau iŋguruut gabua poia eta pazi mako.