Mbouŋ to Yes Israela 83:9-17 in Mutu

⁹ Tovenen yei nitaŋ roran ghom nighaze ugham ŋgar raraate pa yes ndiran tonowen inimale muuŋ ugham pa yes Midiana, ve muri ugham pa Sisera yesuru Yabin izi ya Kison.

¹⁰ Sawa tonenen, yom urab di timatmaat izi ndug Endor, ve patudi tiwaghengheen ila taan ve timbuuz.

¹¹ Yes daba to koiamai, ugham ŋgar raraate padi inimale muuŋ ugham pa Oreb yesuru Zeeb. Ve yes pooza todi tovene paam. Utatan di inimale muuŋ utatan Zeba yesuru Zalmuna.

¹² Ndiran ru tonowen, muuŋ tisaav tighaze: “Maaron taan toni, le kikiliiŋ popoia. Tala taghami inim leed.”

¹³ Maaron tiou, ureu di le timbiriis tinimale ghavuur ve buzbuz to yaghur iviviira gha ilale.

¹⁴ Uwaghamun di inimale yab ighan suvun reg, ve inimale yab ighan izala lolooz, le ipasob su.

¹⁵ Ugham uman tiina izi, ve yaghur tiina imundig, leso timatughez ve tighau.

¹⁶ O Yoova, utatan di. Leso mayadi kat, ve tighilaal tighaze yom izam tiina, ve tisuŋ payom.

¹⁷ Ugham di tiwaghamgham, ve tineep toman mayadi itaghoni taghoni gha ila. Upamayaŋin di, ve upasob di.

⁹ Tauvene yei nitaŋ rarai ghom nighe ugham ŋgar raraate pa yes tawe imin tau muuŋ ugham pa yes Midiana, ve murei ugham pa Sisera yesuru Yabin izi yaa Kison na.

¹⁰ Saawe tana, yo urav zi timataar izi nugh Endor, ve patazi tivaghengheen taghon taan paavo gha timbuzaar.

¹¹ Yes daaba to koiamaiŋa, ugham ŋgar raraate pazi imin tau muuŋ ugham pa Oreb yesuru Zeeb na. Ve yes pooza toozi tauvene paam. Utatan zi imin tau muuŋ utatan Zeba yesuru Zalmuna na.

¹² Zeran ru tawe, muuŋ tisaav tighe: “Maaron taan tooni, le kikiliiŋ popoia. Tala taghamu imin leen.”

¹³ Maaron tsiau, ureu zi le timbiriis imin ŋgaupup ve rabrab tau yaghur ivuvuura gha ilale.

¹⁴ Uvaghamun zi imin yav tau ighan suvinia regh, ve imin yav tau ighan izala loloz, le ipasov su.

¹⁵ Ugham uman tiina izi, ve yaghur tiina izaa, leso tiroi ve tighau.

¹⁶ O Yoova, utatan zi. Leso mayazi kat, ve tighilaal tighe yo ezam tiina, ve tisuŋ payo.

¹⁷ Ugham zi tivaghamgham, ve tileep toman mayazi taghon taghon gha ila. Upamayaŋin zi, ve upasov zi.